India Mein, Triple Rear Cameras Aur Fast Charging Ke Saath Jaldi Hi Launch Hoga Affordable Vivo Y17

Pichle kuch dinon mein saamne aayi reports mein bataya gaya hai ki Vivo India mein Vivo Y5 ko launch karne ka plan kar raha hai. Lekin haal hi mein 91mobiles ke internal sources se aayi news mein pata chala hai ki company iss phone ko India mein Vivo Y17 ke naam se announce kar sakti hai.

Image Credit: 91mobiles

Iss phone ka teasing poster, jo 91mobiles ke through saamne aaya hai use aap upar dekh sakte hain. Image se phone ki kaafi details samajh mein aa rahi hai. Phone ke rear panel par triple rear camera setup dekha jaa sakta hai jo ki vertically organise kiya gaya hai. Camera ke neeche LED flash bhi dikhai de raha hai. Iske alawa center mounted finger print scanner bhi iss phone ke rear panel par dekha jaa sakta hai.

Phone ke front mein water drop notch display hai. Saath hi front camera bhi ismein dikhai de raha hai. Leak poster mein phone ka triple rear camera AI capability ka bataya jaa raha hai. Saath hi poster mein yeh bhi mention kiya gaya hai ki yeh phone fast charging support ke saath launch hoga. Inn sabhi details ke alawa phone mein kaafi minimal bezels dekhi jaa sakti hain. Vivo Y17 mein Funtouch OS based Android Pie operating system mil sakta hai.

Phone ka rear panel bhi gradient color mein nazar aa raha hai. Vivo Y17 mein di jaane wali display 6.35 inch ki ho sakti hai. Saath hi phone ko power dene ke liye MediaTek Helio P35 processor ka use kiya jaa sakta hai. Saath hi iss phone mein 4GB RAM dekhne ko mil sakti hai. Fast charging ke saath aane wali battery 5000mAh ki di jaa sakti hai. Iss leak image ke alawa iss phone ko Chinese website TENNA par bhi dekha gaya hai jahaan iska model number Vivo V1901A bataya jaa raha hai. Expect kiya jaa raha hai ki triple rear  camera setup 13MP+8MP+2MP ka diya jaa sakta hai. Saath hi front facing camera 16MP ka mil sakta hai.

Iss phone ki expected price Rs 16,990 batayi jaa rahi hai. Company iss phone ko jaldi hi India mein announce kar sakti hai. Haalanki abhi company ne iske launch ki koi official date announce nahi ki hai. Agar yeh phone expected price tag ke launch hota hai to market mein pehle se available aur aane wale Realme 3 Pro jaise phone ke liye ek better competitor saabit ho sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: