Geekbench Listing Se Leak Hui POCO F2 ki Details, India Mein Jaldi Hi Ho Sakta Hai Launch

Xiaomi ke sub-brand Poco ne iss saal Poco F1 launch kiya tha, jo ki mid-range flagship phone tha. Iss phone ne kaafi high-end flagship phones ko takkar di thi. Wahin issi phone ke successor Poco F2 ko haal hi mein Geekbench list par dekha gaya hai. Expect kiya jaa raha hai ki yeh phone bhi Poco F1 ki tarah budget range mein launch kiya jaa sakta hai.  Geekbench par dekhi gayi listing mein iss phone ke kuch specifications aur details saamne aaye hai.

Specification ki baat ki jaaye to Geekbench listing mein yeh phone Snapdragon 845 chipset ke saath dikhaya gaya hai jahan iss phone mein aapko 6GB RAM mil sakti hai. Jahan Poco F1 mein Snapdragon 845 processor diya gaya tha, wahin ummid ki jaa rahi thi ki Poco F2 mein  Snapdragon 855 mil sakta hai. Iske alawa yeh phone Android 9 Pie ke saath launch ho sakta hai.

Bench mark score ki baat ki jaaye to single core ka score 2321 aur multi core ka score 7564 dikhai de raha hai. Dikhai de rahi listing mein phone ke kisi aur hardware ki jaankari nahi batayi gayi hai. Jahan Poco F1 aur Poco F2 ke chipset aur RAM mein koi khaas antar nahi dikhai de raha hai, isse expect kiya jaa sakta hai ki phone ke camera ko aur behtar tarike launch kiya jaaega.

 

Iske alawa Poco india ke General Maneger C. Manmohan ne ek tweet ke dwara bhi yeh announcement ki hai ki wah jaldi hi India mein Poco ka next model launch karegi. Expect kiya jaa raha hai ki 2019 ke first quarter mein hi iss phone ko launch kar diya jaaega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: