India Mein Iss Saal Launch Hone Wali Hain Yeh Cars, Inmein Electric cars bhi Hain Shaamil

Jis tarah aaj kal market mein smartphones ki demand bhadti jaa rahi hai aur har din ek naye model ke saath naya smartphone market mein launch kiya jaa raha hai waise hi ab aaye din nayi cars naye model mein utaari jaane lagi hain. Jahan har car mein ek naya feature aapko milta hai. Features ke alawa company customers ke budget ka bhi khayal rakhti hai. Jahan har budget ko suit karne wali car company launch karti hai. Jaisa ki aapko pata hai ki naya saal already shuru ho chuka hai, to apko yeh bhi pata hona chaiye ki kuan kuan si cars iss saal market mein launch hone wali hain.

 

1. Audi e-Tron

Audi ki taraf se aane wali pehli electric car hai Audi e-Tron. Haal hi mein launch ki gayi Jaguar I-Pace aur Mercedes EQC ke takkar mein company iss car ko launch karegi. Jahan iski price ka khulasa abhi tak nahi kiya gaya hai, lekin expect kiya jaa raha hai ki iss car ki price Indian market mein lagbhag Rs 1 crores ke aas paas  rakhi jaa sakti hai.

Yeh car 4 wheel drive option ke saath launch ki jaaegi. Jahan iske har ek wheel par 2 power electric motors set ki jaaegi, jo ise quick high speed achieve karne mein help karegi. Yeh car 2019 ke second half mein launch ki jaa sakti hai, haanlki abhi iski final launch date company ne announce nahi ki hai.

 

2. Nissan Leaf 

Nissan Leaf bhi ek electric car hai. Yeh car company 3 variants mein launch karegi jahan aapko basic variant S 24kWh battery capacity ke saath aur baaki 2 variants SU aur SL 30kWh battery capacity ke saath milenge. Yeh car kaafi heavy safety equipment ke saath launch ki jaaegi. Jahan iske base  to top variants ke price Rs 30 – 45 Lakh expect ki jaa rahi hai. Company ke according yeh car 24kW battery ke full charge par 134 Km ka mileage degi aur 30kW battery ke full  charge par 174Km ka mileage degi.

3. Hyundai Kona Ev 

Hyundai Kona Ev ko iss saal April 2019 mein launch kiya jaa sakta hai. Hyundai  ki taraf se aane wali yeh bhi ek electric motor car hai. Jo ki baaki companies ke compare mein affordable price mein launch ki jaaegi. Yeh car sirf front wheel drive option ke saath launch hogi. Jahan iss car mein aapko normal, eco aur eco plus mode milenge. Iske alawa iss car ki battery DC fast charging ko bhi support karti hai. Front mein 2 seats aur back mein  3 seats option ke saath yeh Rs 25 lakhs ke approx market mein launch ki jaa sakti hai.

4. Skoda Karoq 

Skoda Karoq ko company ne Skoda Yeti ke replacement mein launch karegi. Jaha yeh car petrol aur diesel dono variants mein launch ki jaa sakti hai. Rumours ki according yeh car june 2019 mein India mein launch ki jaa sakti hai. Iss car ka design bhi Skoda ke follow up design se inspired hi design kiya gaya hai. Iss car ko Skoda ki baaki cars ke compare mein child safety ke purpose se 79% jyada efficient bataya jaa raha hai. Price segment mein yeh car Rs 22 se Rs 28 Lakhs ki range mein launch ki jaa sakti hai.

 

5. Tata Harrier 

Haal hi mein Tata ne kuch bhadiya cars ko market mein launch kiya hai fir chahe wah hatchback cars ho ya sedan ya fir SUV. Tata ne price segment ke according bhi affordable aur durable cars ko launch kiya hain. Wahin iss saal Tata apni ek aur nayi SUV car launch karne jaa raha hai jiska naam hai Tata Harrier. Haanlki yeh car already kaafi rumors mein bani huyi hai. Expect kiya jaa raha hai ki yeh car January ke starting weeks mein hi launch kar di jaaegi. Jahan iski price Rs 12 Lakhs se Rs 16 Lakhs tak rakhi jaa sakti hai.

6. Hyundai Carlino 

Hyundai ki yeh compact SUV April ke mid week mein India mein launch ki jaa sakti hai. Iss compact SUV ko company 2 speed manual variants mein launch karegi. Jahan aapko ismein 5- speed manual aur 6-speed manual ke option milenge. Company iss car ko Ford Ecosport ke competitor ke form mein launch karegi. Jahan iski expected price Rs 8 -11 Lakhs tak ho sakti hai.

7. Tata 45x Production 

Tata 45X Production Tata motors ke new Alpha platform par design ki gayi hai. Rumors ki according company ise sirf petrol variant mein hi launch karegi jahan aapko 1.2 litre petrol engine variant milega. Launch date ki confirmation abhi tak company ne nahi ki hai lekin ise 2019 ke second half mein launch kiya jaa sakta hai. Wahin yeh affordable price range mein launch ki jaa sakti hai jahan iski expected price Rs 5-6 Lakhs batayi  jaa rahi hai.

8. BMW X7

BMW ki taraf se aane wali yeh pehli car hai jo 7 seater launch ki jaaegi. Yeh SUV 4 wheel drive ke option ke saath launch ki jaaegi. Iss ke saath hi iss SUV mein aapko 8 speed auto transmission system milega. Maana jaa raha hai ki company ki yeh abhi tak ki sabse mehngi SUV hogi. Jahan iski keemat Rs 1 crore ke lagbhag rakhi jaa sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: