India Mein Iss Date Par Launch Ho Sakta Hai Samsung Galaxy Note 10

Samsung ke upcoming Unpacked Event ki jaankari humein already mil chuki hai. Yeh event 7th August ko Brooklyn ke Barclays Center mein organise kiya jaa raha hai, jismein company Samsung Galaxy Note 10 ko launch karne wali hai. Iss news ke aate hi ummid ki jaa rahi thi ki company iss phone ko India mein bhi jaldi hi launch karegi. Well, iss phone ke India launch ko le kar aaj kuch jaankari saamne aayi hai, jismein bataya gaya hai ki yeh phone 20th August ko India mein announce kiya jaayega.

 

Itna hi nahi, launch ke do din baad 22nd August se hi Samsung Galaxy Note 10 ki sale bhi shuru ho jaayegi. Yeh poori jaanakri Samsung Insider ke through saamne aayi hai. Aapko bata dein ki iss phone ke pre-registration already start ho chuke hain. Abhi tak aayi leaks ki maane to company iss phone ko do model mein launch kar sakti hai, jismein Samsung Galaxy Note 10 aur Note 10+ smartphone dekhne ko mil sakta hai, jahaan inn mein storage aur battery ka difference diya jaa sakta hai.

Also Read : Samsung Galaxy Note 10 Full Specs Leak

Rumors ki according Company Samsung Galaxy Note 10 mein Snapdragon 855 ya fir Exynos 9825 chipset ka use kar sakti hai. Iske alawa iss phone mein Plus variant mein 4300mAh ki battery aur Note 10 mein 3500mAh ki battery di jaa sakti hai. Dono hi devices mein fast charging ka support mil sakta hai. Saath hi yeh phone 512GB aur 256GB internal storage mein launch kiye jaa sakte hain. Inn sabhi details ke alawa, Galaxy Note 10+ ko  6.8 inch ki display ke saath aur Note 10 ko 6.3 inch ki display ke saath present kiya jaa sakta hai. Company ne abhi iss devices ke price ko le kar koi hint nahi di hai, lekin phone ki expected price Rs 69,990 batayi jaa rahi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: