Jaldi Hi India Mein Bhi Banengi Lithium-ion Batteries; Govt. Organizations Ke Beech Sign Hua Agreement

Smartphones mein lagne waali batteries yun to bahut choti hoti hain, lekin inko banana fir bhi itna aasaan nahin hai. Saath hi laptop se lekar vehicles tak, ab sab cheezon mein battery ka use hone laga hai. Prime Minister ke ‘Make In India’ initiative ke shuru hote hi, India mein smartphones ban ne to lage hain, lekin fir bhi inke kuch parts import kiye jaate hain, jaise ki batteries. Iske alawa aur bhi kayi devices ya products ke liye jyadatar ye lithium-ion batteries use hoti hain aur pichle saal India mein approximately 150 million dollars ki lithium-ion batteries import ki gayi hain.

Dekha jaaye to, India lithium-ion batteries ke largest importers mein se ek hai. Lekin ab in batteries ka import kam zaroor hoga, kyunki jaldi hi in batteries ki manufacturing India mein shuru hone waali hai.

Haal hi mein Tamilnadu ke Council for Scientific Industrial Research (CSRI), CSIR-National Physical Laboratory , Kolkata ke Central Glass and Ceramic Research Institute (CECRI) aur Hyderabad ke CSIR-Indian Institute of Chemical Technology ke scientists dwara lithium-ion cells to technology ko develop kiya gaya hai. Aur ab CSIR aur CECRI dwara Chennai mein iske ek demo ke liye bhi pure intezaam kiye jaa chuke hain.

Iske alawa Sunday ko Central Electro Chemical Research Institute (CECRI) aur RAASI Solar Power Pvt Ltd. Ke beech mein lithium-ion battery ki technology transfer ko lekar agreement bhi sign kiya jaa chuka hai. Isi ke saath ye kehna bhi poori tarah se sahi hai ki ab batteries bhi India mein hi manufacture hone lagengi. Abhi tak India mein China, Japan aur South Korea jaise deshon se in batteries ko import kiya jaata tha.

Saath hi ab in organizations ke 2 priority goals bhi set ho chuke hain, jinmein pehla hai- 2022 tak 175 Giga Watts electricity generate karna jismein se 100 GW solar panels dwara hogi aur doosra hai 2030 tak poori tarah se electric vehicles par switch kar jaana. Saath hi inka kehna hai ki inka ye bhi plan hai ki roof top solor panels ke liye bhi 25 years ki life ke saath lithium batteries yahin manufacture hon.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: