India Mein April Mein Hi Launch Ho Sakta Hai, Five Rear Cameras Ke Saath Nokia 9 Pureview

HMD Global ne MWC 2019 mein world ka first smartphone launch kiya, jismein five rear cameras hain. Ji haan, aap sahi samajh rahe hain, hum Nokia 9 Pureview ki hi baat kar rahe hain. Last month Nokia 9 Pureview ko US mein 699 USD ke price par announce kiya gaya aur aaj saamne aayi nayi reports ke according, ye handset jaldi hi India mein bhi launch hone waala hai.

NokiaPowerUser ke according Nokia 9 Pureview ko India mein isi month yaani ki April ke end mein launch kiya jayega. Maana jaa raha hai ki is smartphone ka India price lagbhag 46,999 INR hoga aur availability ko lekar abhi koi khabar nahin aayi hai.

Specs ki baat karein to, ismein humein 5.99 inch ki Quad HD+ pOLED display milti hai aur power den eke liye last year ka flagship chipset, Qualcomm Snapdragon 845 ka yahaan use kiya gaya hai, jiske saath Adreno 630 GPU hai.

Nokia 9 Pureview ki highlight hain, iske rear cameras, jinmein two 12 MP ke RGB cameras aur three 12 MP ke monochrome cameras shaamil hain. Saath hi selfie lovers ke liye yahaan 12 MP ka frontal sensor setup kiya gaya hai. Is smartphone mein Android 9.0 Pie OS diya gaya hai aur jaise ki hum pehle bata hi chuke hain ki ye ek Android One smartphone hai.

Ismein 6GB ki RAM aur 128GB ki internal memory aapko yahaan par milti hai. Saath hi 3320mAh ki battery di gayi hai, jo ki fast charging aur wireless charging support ke saath aati hai. Iske alawa ismein Dual SIM slots, dedicated microSD card slot, 3.5mm audio jack, Wi-Fi 802.11 a/b/g/n/ac, Bluetooth jaise connectivity options shaamil hain.

Halaanki company ki taraf se abhi India launch ke invites nahin aaye hain, jinse ye confirm ho sake ki is flagship smartphone ka launch kaunsi date ko hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: