India mein Announce Hua Snapdragon 720G; Redmi and Realme Sabse Pehle Is Chipset ke Saath Launch Karenge Phones

Qualcomm ne aaj India mein ek press event ke dauraan kuch chipsets ko introduce kiya jinmein mid-range smartphones ko power dene ke liye Snapdragon 720G ko announce kiya gaya. Iske saath hi Redmi aur Realme dono smartphone makers ne bhi announce kar diya hai ki wo is naye chipset ke sath apne smartphones ko India mein jaldi hi launch karenge.

Qualcomm ke Snapdragon 720G ko entertainment / gaming centric chipset keh sakte hain. Is chipset ke saath companies affordable gaming smartphones ko launch kar sakti hain. Octa Core Snapdragon 720G processor mein two Cortex A76 cores 2.3 GHz ki speed par clocked honge aur six Cortex A55 cores ki clock speed 1.8 GHz hogi.

Iske alawa ye bhi saamne aaya hai ki ye chipset apne predecessor yaani ki SD 710 se 60% behtar performance dega. Iske saath graphics ke liye aapko Adreno 618 GPU milta hai.

Snapdragon 720G Spectra ISP, 192MP tak picture support, HEIF capture aur 4K video recording support ke saath aata hai. Iske alawa ismein Wi-Fi-6, Bluetooth 5.1, aptX HD aur Quick Charge 4.0+ support bhi hai.

Saath hi is chipset mein NavIC help support bhi hoga, jo ki navigation system hai aur ISRO dwara design kiya gaya hai. NavIC help se India ke rural areas mein bhi aapko NavIC se accha navigation support milega.

Qualcomm ke is event mein is chipset ke alawa Snapdragon 460 aur Snapdragon 662 chipsets ko bhi introduce kiya gaya hai, jo ki budget aur lower-midrange phones mein nazar aayenge.

Is event ke dauraan bhi Xiaomi aur Realme ne ye announcements ki hain ki Snapdragon 720G ke saath India mein first phones wo lekar aayenge. Halaanki companies ke phones ki details ya naam kuch bhi abhi reveal nahin kiya hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: