India Ki Most Awaited Film 2.0 Huyi Release, Yaahan Jaaniye Kya Hai Iss Bade Budget Ki Film Mein Khaas

So finally, aaj India ka most awaited film 2.O release ho chuki hai. Kaafi samay se yeh movie release ke liye ruki huyi thi. Jaha aaye din kisi na reason ki wajah se iss movie ko postpone kiya jaa raha hai. Kuch mahine pehle humne aapko 2.O ke trailer mein iss movie ki in-short story batayi thi. Aur aaj jab yeh movie finally release ho chuki hai, to aaiye jaante hain iss movie ki full story ke baare mein.

Sabse pehle movie ke lead characters ki baat karein to movie mein Rajnikanth Scientist (Vasikaran) aur Robot ( Upgraded version of Chitti) ka role play kar rahe hain. Wahi iss movie mein Amy Jackson Rajnikanth ki assistant Humanoid Robot Nila ka role play kar rahi hain. Iske alawa Akshay Kumar ek Ornithologist (Pakshirajan) ka role play kar rahe hain. Iske alawa aap movie mein major role mein Shudhansu Panday, Adil Husssain, Kaizaad Kotwal jaise actors ko dekhenge.

 

Basically yeh movie apni predecessor movie Robot se bahot jyada relate nahi karti hai. Jaha Robot movie mein Chitti ko finally destroy karte huye dikhaya gaya tha, wahi uske new version ko iss movie mein 2.O naam diya gaya hai.

Movie ki starting ek suicide se hoti hai, jo ki mobile tower ke top se kiya jaata hai. Jiske saath hi tower ke aas-pass birds ka ghoomna shuru ho jaata hai. Jisse aapko shuru mein hi pata chal jata hai ki yah movie birds se related hone wali hai. Iss scene ke baad hi Dr.Vasikaran aur unki assistant Nila ke character ko introduce karaya jata hai. Jo ki iss suicide ko investigate karte hain. Issi ke saath hi ek giant bird ki entry hoti jo ki city par attack karta hai aur sabhi mobile device ko apni taraf kheench leta hai. Jiske baad Scientist ki team  Dr. Vasikaram ko Robot Chitti ko bapas laane ke liye kahti hai. Jiske baad Dr. Vasikaran Robot 2.O ko design karte hain.

Iske baad yeh movie thode emotion aur fun ke saath aage bhadati huyi nazar aati hai. Jis beech mein yeh bhi bataya jata hai ki Pakshirajan ka origin kyun aur kese hua, jaha yeh movie thodi flashback mein jaati huyi feel hoti hai. Saath hi yeh bhi bataya jata hai ki mobile phone se hone wala radiation na sirf humans ke liye balki birds ke liye bhi kitna harmful hai. Jiski wajah se birds mar rahe hain. Aur yeh battle unki hi safety ke liye ki jaa rahi hai. Movie mein Akshay Kumar ko initially negative role mein dikhaya gaya hai lekin unka motive ek positive theme ke liye hai. Jo unhe iss movie ka naayak aur khalnaayak dono hi banata hai. Pakshirajan ke details mein discribe karte huye aur unke life ke motive ko batate huye iss movie ka first half cross ho jata hai.

Second half means interval ke baad movie thodi slow lagti hai, jaha most of movie fighting scene mein nikal jaati hai. Yah fir Pakshirajan se fight ki planning aur plotting mein nikalti huyi nazar aati hai. Lekin VFX ka maaza aapko movie ke second half mein jyada entertain karta hua dikhai dega. And finally yeh movie Pakshirajan ke saath fight aur arguments par close hoti hai jaha Chitti 2.O iss movie ko close karta hua nazar aata hai.

Movie ko 2D aur 3D dono platform par release kiya gaya hai, lekin iss movie ko dekhne ka maaza aapko 3D mein aayega. Jaisa ki aapko humne pehle bhi bataya tha ki yeh movie ek bade level par VFX graphics ke saath design ki gayi hai. Wahi aaj yeh movie apne scenes se apne kaam ko poori tarah justify kar rahi hai.

So basically yeh movie ek social message ko deliver karti hai, jaha yeh bataya jaa raha hai ki technology humare jitni achi hai utni hi harmful  bhi. Humare mobile se produce hone wala radiation hum sabhi ke liye harmful hai. Isliye jitni jarurat ho utna hi use karein.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: