Incoming Calls Aane Par Phone Ki Screen Ka On Naa Hona Aapki Bhi Problem Hai, To Aise Karein Solve

Android smartphones mein bahut saare common issues hote hain. Inhin mein se ek hai incoming calls aane par aapke smartphone ki screen on nahin hoti aur phone ki ring bajti rehti hai. Aise mein aapko phone ko unlock karke, ongoing calls mein jaakar hi aapko caller ka naam pata chal paata hai aur phone ko pick karna hota hai.

Last year Google ke through kiye gaye ek survey mein bhi ye confirm hua tha ki incoming calls ke time par display ka on naa hona ek common issue hai aur kaafi saare handsets mein ise dekha gaya hai jismein Xiaomi, ASUS  jaise companies ke phones bhi shaamil hain.

Aaiye jaante hain ki is problem ko hum solve kaise kar sakte hain.

  • Mostly phones is samay Android 9.0 Pie OS par chalne waale hain. Ismein aap sabse pehle ‘Settings’ mein jaayein. Iske baad App Manager mein hote huye ‘Phone’ App ko open karein.
  • Kuch phones mein settings mein hi Phone App moujood hogi, App Manager mein jaane ki zaroorat apko nahin hogi
  • Iske baad aap ‘Notifications’ par jaayein. Ismein aapko incoming calls ka option nazar aayega, us par jaayein.
  • Iske baad ‘Behaviour’ par click karein.
  • Ismein aap four options nazar aayenge, jinmein se ‘Make sound and pop-up on screen’ option ko aap choose karein.

Note : Kuch phones mein aapko Phone app se hote huye, notifications ko click karte hi ‘Show on Lock screen’ Ka option bhi mil jaata hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: