Snapdragon 855 & Four Rear Cameras Ke Saath India Mein Launch Hua Lenovo Z6 Pro

Lenovo ne aaj Z series ke ek aur smartphone, Lenovo Z6 Pro ko India mein launch kar diya hai. Iss phone ko April mein company China mein launch kar chuki hai. Yeh phone high end specs ke saath aata hai jismein aapko sixth genration in-display finger print scanner, rear quad camera setup jaise features diye gaye hain. Iske alawa phone mein reinforced copper tube ka use kiya gaya hai, jo ki liquid cooling system ki tarah kaam karti hai. Issi ke saath phone mein heat dissipation ke liye large area diya gaya hai. Phone ke rear panel par 17 layer 3D coating ki gayi hai.

Lenovo Z6 Pro mein 6.39 inch ki FHD+ AMOLED display di gayi hai, jo HDR10 support ke saath aati hai. Phone ki display mein DCI-P3 color gamut ka use kiya gaya hai. Yeh phone Octa-Core Snapdragon 855 7nm mobile platform processor ke saath aata hai, iske saath ismein Adreno 640 GPU bhi diya gaya hai. Iske alawa phone mein 4000mAh ki battery di gayi hai, jo ki 27W ki fast charging ko support karti hai. Phone ko 15 minutes charge karne par aapko 2 hours ka game play time milta hai.

Phone mein primary camera 48MP (f/1.8 aperture) ka diya gaya hai, wahin secondary camera 16MP (f/2.2 aperture) 125 ° ultra-wide-angle lens ke saath aur third camera 8MP(f/2.4 aperture) ka telephoto lens ke saath aur fourth camera 2MP(f/1.8 aperture) TOF lens ke saath aata hai. Phone ke camera mein aapko OIS technology ka support bhi milta hai. Isi ke saath front facing camera 32MP ( f/2.0 aperture) ka diya gaya hai. Phone ke rear camera mein aapko 4X optical zoom ka option mil jaata hai. Saath hi ToF aur PDAF camera multi-anti-shake solution based AI optimization ke saath aate hain, jiski help se aap smooth video recording kar sakte hain. Connectivity ke liye yeh phone dual 4G VoLTE, dual band Wi-Fi 802.11 ac, Bluetooth 5, GPS+ GLONASS  jaise option offer karta hai.

Iss phone ko India mein sirf Black color mein launch kiya gaya hai. Lenovo Z6 Pro ki launching price Rs 33,999 rakhi gayi hai, ismein aapko 8GB RAM ke saath 128GB internal storage offer ki jaa rahi hai. Iss phone ko aap 11th September se Flipkart se purchase kar sakte hain. Launch offer ke duaraan Jio users ko Rs 299 ka recharge karane par Rs 2200 ka cashback, vouchers ki form mein provide kiya jaayega. Iske alawa Rs 2000 ka Zoom car coupon aur Rs 1500 ka MakeMyTrip coupon purchase ke duaraan users ko diya jaayega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: