In-Display Finger Print Scanner Aur 4000mAh Ki Battery Ke Saath Launch Hua Lenovo Z6 Smartphone

Lenovo ne apne latest mid range smartphone Lenovo Z6 ko China mein announce kar diya hai. Iss phone mein water drop notch display di gayi hai. Phone ke rear panel par aapko triple rear camera setup diya gaya hai. Phone ke rear panel par curved frames ke saath saath 10 layers nano scale coating ko use kiya gaya hai jiske wajah back panel 3D effect create karta hai. Iske alawa iss phone mein in-display finger print scanner ka option bhi aapko mil jaata hai.

Lenovo Z6 mein 6.39 inch ki  FHD+ OLED HDR10 Display di gayi hai jo ki DCI-P3 color gamut ke saath aati hai. Iss phone mein Octa Core Snapdragon 730G processor diya gaya hai, jo ki Adreno 618 GPU ke saath aata hai. Phone mein aapko 3 storage variants milte hain, jinhe aap microSD card ki help se 512GB tak expand kar sakte hain.

Also Read : Lenovo Z6 Pro Smartphone Launched With Quad Cameras 

Phone mein 16MP ka front shooter camera aapko diya gaya hai. Rear panel par primary camera 24MP ka Sony IMX576 sensor ke saath aata hai, jiska aperture size f/1.8 hai. Iske alawa secondary camera 8MP ( f/2.4 aperture) ka telephoto lens ke saath aata hai jo ki 2X loss less zoom photos ko click kar sakta hai. Iske alawa depth sensing lens 5MP ( f/2.4 aperture) ka milta hai.

Lenovo Z6 mein 4000mAh ki battery milti hai jo ki 18W ki fast charging ko support karti hai. Iss phone mein ZUI 11 based Android 9 Pie operating system diya gaya hai. Yeh phone dual 4G VoLTE, dual band Wi-Fi, Bluetooth 5 LE, GPS ka support karta hai. Iss phone mein sirf Blue color option milta hai.

Iss phone ke sabhi variants ki price aap neeche dekh sakte hain.

  • 6GB/64GB    – CNY 1899 (~Rs 19,020)
  • 6GB/128GB  – CNY 2099 (~Rs 21,030)
  • 8GB/128GB  – CNY 2499 (~Rs 25,040)

Yeh phone China mein pre-order ke liye available hai jahaan iski sale 9th July se shuru ki jaayegi.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: