Naya Wireless in-body GPS System, Jo Karega Human Body Mein Se Tumors Ko Track

Is samay mein bimaari kaafi hadd tak badhti jaa rahi hain, khaas taur se tumors. Aaj ke waqt mein kayi celebrities aur saadharan log kaafi badi ginti mein kisi na kisi tumor ke bimari se lad hi rahe hain. Aur aaj aayi khabar ke according, Scientists ne ek ‘in-body GPS’ system invent kiya hai hai, jo aapki body ke andar kisi bhi tarah ke tumor ki location ko detect kar sakta hai.

Ye In-body GPS system, jise ReMix naam diya gaya hai, centimetre-level accuracy se body ke andar ke implants aur tumors ki location ko detect karta hai.

United States ki Massachusetts Institute of Technology (MIT) aur Massachusetts General Hospital (MGH) ke scientists ne sabse pehle jaanwaron par is device ki testing ki. Iske liye unhone jaanwaron ki body mein ek marker daala, ab is marker ki real time position ko track karne ke liye, ek wireless device ka istemaal kiya jo jaanwar ki body par wireless radio signals reflect karta hai. Iske baad ek special algorithm dwara wapas reflect hokar aane waale signals ko analyze kiya jaata hai, jisse marker ki exact position pata chal jaati hai.

Is marker ko apni taraf se koi signal nahin dena, ye kewal aapki body ke bahaar jo wireless ReMix device hai, use aane waale radio signals ko reflect karne ka kaam karta hai. Isiliye ismein kisi bhi tarah ki battery ya external power source ki zaroorat nahin padti.

Is poore process ke dauraan researchers ko kewal ek problem ka saamna karna pada, jo ye thi ki, body mein aur bhi bahut cheezein hain, jaisi ki skin jo ki marker se bhi jyada maatra mein signals ko reflect karte hain.Lekin ReMix ki smart algorithm in extra signals ko eliminate karke marker ki position ka pata laga leti hai.

Filhaal, researchers ne ye confirm kiya hai ki ye human body mein use karne ke liye tab tak ready nahin hai, jab tak iski accuracy millimetres mein nahin aati.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: