Imran Hashmi Par Laga Script Chori Ka Aarop, Nahi Banegi Film “Cheat India”

Bollywood ke charming actor imran hashmi ki upcoming film “Cheat India” controversy main fas gayi hai. Writer dinesh gautam or actor imran jaid ne T-series or Imran hashmi ki production company par film ki script chori ka aarop laga diya hai. Writer or actor ka kehna hai ki “Cheat India” ki kahani unki film “Marksheet” se milti hai, jissey makers ne november 2012 main Indian script writers association main registered bhi kara rakhi hai.

Dinesh or imran ka kehna hai ki pichle saal hi filmmaker mahesh bhatt ke sath hui baat ke baad hi is film ki script par kaam karna decide kiya tha. Pichle saal june main mahesh bhatt ne ek title “Baat niklegi to” ko present kiya tha, jissey dinesh ne likha tha or isme actor imran ko liya gaya tha. Isi time inhone in teeno ne “Marksheet” ke baare main bhi baat ki thi. Mumbai Mirror se baat karte hue dinesh ne bataya ki Mahesh bhatt kai saalon se Imran ke mentor rahe hai or ab to vo board main crative director bhi ban gaye hai. Is film ki final script par bhi baat chal rahi thi. Isi beech mahesh bhatt ke ek spokesperson ne kaha ki Filmmaker ne vinay bhardwaj production ko tagline di thi ki,” Agar aap kisi ko hara na sako to ussey cheat karo” or iske baad yeh subject social media par pahunch gaya. Aage spokesperson ne kaha ki mahesh bhatt july ke baad se is project ka hissa nahi hai.

Dinesh ne kaha ki jaise hi imran hashmi ne apni film “Cheat India” ko december main aanounce kiya tha tabhi humne ek official complaint writers association main kardi thi. Ab hum teeno production house ko legal notice bhej rahe hai. Script to copy nahi ki gayi hai, lekin research work, concept or case studies same hai. Humne mahesh bhatt ke saath sari details share ki thi or yeh bahut hi dukh ki baat hai ki aisa hua hai.

Halanki abhi production house se jude kisi bhi person ka koi comment nahi aya hai, kisi ne bhi is baare main koi baat nahi kahi hai, na hi koi opinion share kiya hai. Lekin film se jude source ka kehna hai ki, yeh sab publicity ke liye kiya ja raha hai. 8 mahine pehle hi film ka title or story registered karwaya ja chuka tha. Kisi ko nahi pata ki “Cheat India” kya hai kyuki abhi tak script hi puri nahi hui hai. Film ko somic sen direct kar rahe hai or film main imran hashmi lead role main hai. Film ki shooting february 2019 main shuru ho sakti hai.

 

Facebook Comments

Recommended For You

About the Author: Riya Sharma

Leave a Reply

Your email address will not be published.

%d bloggers like this: