Images Leak Hui: Two Displays Ke Saath Launch Hoga Vivo Ka Upcoming Flagship Smartphone- Vivo Nex 2

Vivo ne haal hi mein India mein Y95 launch kiya hai, lekin filhaal ye company apne aane waale smartphone ko lekar khabron mein bani hui hai. Chinese leading smartphone maker, Vivo apna new flagship smartphone aur Vivo Nex ka successor launch karne ko poori tarah se taiyaar hai. Is smartphone ka naam hoga Vivo Nex 2.

Vivo Nex mein company ne motorized pop-up selfie camera diya tha, jo ki ek nayi cheez thi. Aur is baar company phir kuch naya karne jaa rahi hai. Vivo Nex 2 mein aapko two displays milne waali hain aur haal hi mein is smartphone ki images, Chinese social networking site Weibo par leak hui hain, jinse ye confirm bhi ho jaata hai.

Vivo Nex 2 mein two displays hongi. Front par aapko main display di gayi hai, jo ki minimum bezels aur without any notch ke saath aati hai. Wahin secondary display aapko rear panel par dikhegi, jo ki selfies lene ke liye yahaan par fit ki gayi hai. Yaani ki front camera hatakar, yahaan aapko purely full view display milti hai.

Isi ke saath ye leaked image se, ye bhi clear ho jaata hai ki Vivo Nex 2, triple rear cameras ke saath aane waala hai. Iske alawa ye bhi expect kiya jaa raha hai ki Vivo Nex ki tarah, iske successor mein bhi in-display fingerprint scanner hoga aur Vivo Nex 2, Snapdragon 845 processor ke saath aayega.

Is smartphone mein 6.59 inch ki AMOLED display hone ki ummid hai. Iske alawa Vivo Nex 2 ke baaki specifications ko lekar abhi koi information nahin hai.

Lekin iski launch date ko lekar jo rumors hain, unke according ye smartphone December 9, 2018 ko launch ho sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: