IIT Madras Ne design Kiya India Ka Pehla Microprocessor: Shakti

Abhi tak communication aur defence sectors mein kisi bhi electronic product mein use hone waale microprocessor, bahaar se import kiye jaate the. Lekin aaj Indian Institute Of Technology (IIT) Madras ne India ka pehla microprocessor ‘ Shakti’ announce kiya hai. IIT ke according ye first ‘RISC V Microprocessor’ hai jise poori tarah se India mein hi design aur fabricate kiya gaya hai.

India ke liye ye ek bahut badi achievement hai, microprocessor Shakti ko kisi bhi low-power wireless systems and networking systems mein use kiya jaa sakta hai. IIT Madras ke according, iska impact kaafi behtar hoga aur iski significance tab aur bhi badh jayegi jab is Microprocessor Shakti ko defence, nuclear power installations, government agencies aur departments dwara use kiya jayega.

Is microprocessor ka fabrication Semi-Conductor Laboratory (SCL) aur Indian Space Research Organization (ISRO), Chandigarh mein poora kiya gaya hai. 180nm ke iss microprocessor ko secure defence communication ko dhayan mein rakh kar design kiya gaya hai. Shakti microprocessor family kayi tarah ki consumer electronic devices, mobile computing devices, embedded low-power wireless systems aur networking systems ki clock speed ko target karta hai.

July mein iss  180nm microprocessor ki 300 chips ko ek batch RISECREEK ke dwara already design kiye jaa chuka hai, jise multinational chip manufacturer company Intel ke andar Oregon, USA mein fabricate kiya gaya hai. Iss poore project ko complete karne ke liye Union Ministry Of Electronics & Information Technology ke dwara fund provide kiya gaya hai. IIT Madras team ne iss microprocessor ko iss tarah design kiya hai ki iski clock speed alag alag devices ki according vary ki jaa sake.

Ye project India ke technology area par ek positive impact daalega aur ab India mein is tarah ke microprocessor ko import nahi karna padega. Dheere-dheere is tarah ke processors India mein hi design, develop aur fabricate kiye jayenge.

IIT Madras ke iss microprocessor ko design karne ke baad 13 companies ne inhe aur bhi project ke liye approach kiya hai . Jo ki definitely ek progress ko show karta hai. IIT Madras ke dwara ki announcement mein unhone bataya hai ki iss microprocessor ‘Shakti’ ke baad ab wah doosre project ‘Parashakti’ par kaam karenge.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: