IFA Event Mein Huawei Ne Announce Kiye Kirin 990 Aur Kirin 990 5G Chipset

Huawei ne IFA 2019 event ke dauraan new chipsets Kirin 990 aur Kirin 990 5G ko announce kar diya hai. Kirin 990, chipset Kirin 980 10 core chipset ke compare mein 6% behtar graphic performance provide karta hai. Kirin 990 chipset, Taiwan Semiconductor Manufacturer Company’s (TSMC) 7nm process technology par design kiya gaya hai, wahin Kirin 990 5G chipset Taiwan Semiconductor Manufacturer Company’s (TSMC) process ke new  7nm EUV manufacturing ke through design kiya gaya hai jismein SA aur NSA dono hi architecture par kaam karne wale Sub-6 GHz 5G networks wale 5G modem ka use kiya gaya hai.

Inn technology ki help se design kiye gaye inn chipsets ke use se  36% board use reduction, 18% bhadi huyi transistor density aur 10% tak energy efficiency ko improve kiya jaa sakta hai. Inn chipsets mein 16 core wale Mali-G76 GPU ka use kiya gaya hai. Kirin 990 5G chipset ISP 5.0 ka use kar banaya gaya hai, jo throughout rate aur energy efficiency ko 15% tak increase karta hai.  Iski help se video recording capability improve ki jaa sakti hai. Kirin 990 5G processor mein built-in 5G modem diya gaya hai jo ki 2.3Gbps tak ki download speed aur 1.2Gbps tak ki upload speed provide karta hai. LTE ke saath yeh chipset 3.3Gbps ki download speed aur 1.32Gbps ki upload speed provide kar sakta hai.

Also Read : Huawei Ne Introduce Kiya Kirin 810 Chipset 

Kirin 990 processor mein 2 big core performance aur 1 smaller core ultra lower consumption Da vinci based Neural Processing Unit (NPU) ko use kiya gaya hai, jo high bandwidth conditions mein bandwidth ko 40% tak save karta hai. Low light environment mein quality pictures click karne ke liye ismein block-matching and 3D filtering (BM3D) professional-level hardware noise reduction (NR) diya gaya hai. ‘Yeh chipset real time tracking, heart rate analysis, respiration rate jaise health data ko bhi read kar sakta hai. Iss processor ki help se 4K video ko 60fps par decode aur 30fps par encode kiya jaa sakta hai. Company inn chipsets ko sabse pehle Mate 30 series smartphone mein use karegi, yeh phone 19th September ko Germany mein launch karne wali hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: