IFA 2018: Unique And Exciting Tech Products That You Must Check

IFA 2018 ki shuruaat 31st of August se ho chuki hai aur ye 5th of September tak chalne waala hai. IFA ke dauraan lagbhag sabhi leading companies jaise ki BlackBerry, Samsung, LG, etc., apne advanced aur innovative tech products ko showcase karti hain, aur consumers tak har baar kuch naya pahunchaane ki koshish karti hain. Aisa hi kuch is baar bhi IFA mein hua hai aur kuch interesting aur enhanced products saamne aaye hain.

8K Televisions

Jahaan bahut si companies smartphones ko bhi 4K display ke saath launch nahin kar paayi hain, wahin LG aur Samsung ne IFA mein 8K OLED TVs introduce kiye hain. Halaanki LG ko ye khitaab mila hai ki duniya ki sabse pehli 8K OLED TV ko usi ne is tech show mein launch kiya hai. Jabki Samsung ne 8K QOLED TV announce ki hain aur ye 65 inch, 75-inch, 82-inche aur 85 inch sizes mein available hongi. Wahin LG ki 8K OLED TV ka size 88 inch hai. In televisions mein aapko 7680×4320 pixels resolution milta hai, yaani ki 4K ka chaar guna. In televisions mein aapko 4000 nit peak brightness, Quad-HDR 8K support  aur 8K quantum processor milega. Well, amazing screen, colors aur viewing angles ke saath milne waali ye TVs amazing hai, lekin problem ye hai ki is par dekhne ke liye local 8K content milna mushkil hai aur isiliye consumers koi ski kitni zaroorat hai, ye to aane waale kuch samay mein pata chal hi jayega.

Huawei Kirin 980 7nm chipset

Huawei ne bhi IFA 2018 mein apna naya chipset announce kiya hai jise Kirin 980 7nm ka naam diya gaya hai. Ye world ka first 7nm processor hai aur company ne according ye aapko 10nm processors se 20% better speed dega aur 40% less power use karega. Company ne pichle processor Kirin 970 ke mukaable Kirin 980 aapko 75% behtar performance ka promise karta hai aur iske saath 10-core Mali-G76 GPU diya jayega. Ye ek Octa Core processor hai jismein ARM Cortex A76 cores hain, four cores ki clock speed 1.92 GHz rahegi aur other four cores ki clock speed 2.6 GHz hai.

Company ka ye processor jaldi hi aane waale smartphone Honor Magic 2 mein launch hoga jo ki ek slider smartphone hai. Is smartphone ko company Magic slide design ke saath launch karne waali hai, jo kaafi hadd tak Oppo ke Find X jaisa hoga.

Sony Xperia XZ3

Sony ne bhi IFA 2018 ke pehle hi din apne flagship smartphone ko is tech show mein utaara, jiska naam Xperia XZ3 hai. Is handset mein 6-inch ki QHD+ p-OLED HDR TRILUMINOS display, Snapdragon 845 chipset, Android 9.0 Pie software aur 3300mAh ki battery Qnovo adaptive charging technology, Qualcomm Quick Charge 3.0 support aur Qi Wireless charging support ke saath di gayi hai. Ismein 19 MP ka new Dual Motion Eye camera moujood hai jo f/2.0 aperture G lens ke saath aayega. Saath hi ismein Dynamic Vibration system bhi diya gaya hai, jo audio aur video data ko analyse karke uske according smartphone ko slightly vibrate karta hai hai taaki aap apne haathon se bhi music ko feel kar sakein. Iski kimat lagbhag 65,000 INR hogi.

Sennheiser Momentum True Wireless Earbuds

Sennheiser Momentum True Wireless earbuds mein koi nech cable, koi band ya wires, kuch bhi nahin hai. Sirf two earbuds jo aapko apne dono ears mein lagaane hain aur aapko kaafi achha music experience denge. Inka design behad attractive hai aur in-ear audio quality bhi achhi hai. Ye ek magnetic case ke saath aate hain, jinke carry karna bhi behad easy hai, lekin ye aapko costly zaroor lagenge kyunki inka price approx. 24,000 INR hai.

Acer 15-inch lightest laptop

Acer ne bhi IFA 2018 mein, Acer Swift 5 announce kiya jo ki 15-inch ka sabse lightweight laptop hai aur iska weight kewal 990 grams hai. Ye 8th Generation Intel i5 aur i7 cores ke saath launch kiya gaya hai. Well, iska price bhi 1,099 USD hai yaani ki lagbhag 78,000 INR. Ye magnesium-lithium alloy body ke saath aaya hai, aur jitna ye lightweight hai, utna hi thin bhi hai.

Iske alawa bhi IFA 2018 mein kaafi kuch interesting hua hai, jaise ki-

BlackBerry ne KEY2 LE smartphone launch kiya jismein 4.5-inch display, QWERTY keypad, 13 MP rear, 5 MP front cameras, 3000mAh battery aur Snapdragon 636 chipset hai.

Bang and Olufsen ne bhi ‘Beosound Edge home speaker’ introduce kiya hai, jo dekhne mein kaafi anokha hai. Ismein ek side par 10” woofer bass driver hai aur Bang and Olufsen app ki help se aap sound direction ko bhi control kar sakte hain. Ye ek coin ki tarah hai au rise roll karte huye aap volume ko adjust kar sakte hain. Halaanki iska size thoda bada hai, lekin phir bhi ise aap floor par bhi rakh sakte hain aur wall mount bhi kar sakte hain. Iska price approx. 2,60,000 INR hai.

HTC ne bhi flagship smartphone U12 Life announce kiya hai, jismein 6-inch full HD+ display, Snapdragon 636 chipset, 16+5 MP rear shooter, 13 MP front, 4GB+64GB storage aur 3600mAh ki battery hai.

Sony ki nayi Fes Watch U smartwatch bhi IFA mein nazar aayi jismein company ne e-paper technology add kiya hai. Amazon Kindle jaise e-ink display ka use karne waali ye watch kewal dial mein nahin balki wrist strap par bhi design show karti hai, yaani ki iski strap mein bhi display hai, aur ismein kaafi different designs aapko dekhne ko milenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: