Huawei Y9 2019 India Mein Launch Hua: Kirin 710 Processor, 4000mAh Battery And More

Huawei ne aaj apna mid-range smartphone aaj India mein launch hua. Is smartphone ko originally October 2018 mein announce kiya jaa chuka hai. Huawei Y9 2019 ko aap kewal Amazon se 15th January 2019 se purchase kar sakte hain.

Is smartphone ke saath aapko boAt Rockerz Sports Bluetooth headset free milenge jinki kimat 2,990 INR hai.

Chaliye ab badhte hain, Huawie Y9 2019 ke specs ki taraf, Huawei Y9 2019 mein 6.5 inch ki full HD+ 19.5:9 2.5D curved glass display fit ki gayi hai aur ye smartphone Octa Core Kirin 710 12nm chipset par chalta hai. Ismein diye gaye four Cortex-A73 cores 2.2 GHz ki clock speed ke saath aate hain, jabki other Cortex A53 cores ki speed 1.7 GHz hai.

Huawei Y9 2019 mein aapko 4GB ki RAM aur 64GB ki inbuilt memory milti hai, jise aap microSD card slot ke through another 400GB tak badha sakte hain. Is smartphones mein dual SIM slots bhi moujood hain aur dual 4G VoLTE connectivity bhi di gayi hai.

Ye smartphone 16+2 MP ke dual rear cameras ke saath launch kiya gaya hai, aur front par bhi 13 MP ka primary selfie shooter aur 2 MP ka secondary front camera aapke liye notch mein fitted hai.

Battery ke maamle mein bhi ye smartphone achha hai, yahaan par aapko 4000mAh ki battery, fast charging support ke saath di gayi hai. Iske alawa software ki baat karein to, ismein Android 8.1 Oreo OS ke saath EMUI 8.2 milta hai, jo ki ek chota sa drawback hai. Darasal, is price range mein ab kaafi companies aapko Android 9.0 Pie OS offer kar rahi hain, wahin Huawei Y9 mein Android Oroe hai.

Is smartphone ko aap Amazon se Black and Blue color mein 15,990 INR ke price tag ke saath kharid sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: