Huawei P30 Pro & P30 Lite Launched in India: Check Here For Attractive Prices And Lucrative Offers

Last month Huawei ne apni P30 series ko Paris mein globally announce kiya, jiske baad in premium handsets ko Amazon India par list kiya gaya. Lekin aaj finally company ne Huawei P30 series ki India price aur launch offers announce kar diye hain. Filhaal is series ke two smartphones Huawei P30 Pro aur P30 Lite ko India mein announce kiya jayega.

Pehle Huawei P30 Pro ke baare mein baat karte hain, jo ki is series ka sabse expensive smartphone hai. Huawei P30 Pro mein 6.47 inch ki full HD+ OLED display, Kirin 980 chipset aur EMUI 9.0 interface ke saath Android 9.0 Pie OS diya gaya hai. Iske alawa iske quad rear cameras 40+20+8+ToF MP ke baare mein hum aapko bata hi chuke hain.

Huawei P30 Pro mein 32 MP ka selfie shooter, hybrid dual SIM slot, in-display fingerprint sensor, IP68 certification, jo ki is handset ko dust aur water resistant banaata hai, bhi diye gaye hain. Yahaan aapko 40W HUAWEI SuperCharge fast charging ke saath 4200mAh ki battery milti hai.

Huawei P30 Pro ko 8GB RAM aur 128GB internal memory ke saath announce kiya gaya hai aur is handset ki cost 71,990 INR hai. Ise aap 15th April se Amazon.in par purchase kar sakte hain.

Ab baari aati hai, Huawei P30 Lite ki, is smartphone mein 6.15 inch ki FHD+ 2.5D curved glass display hai aur ye Kirin 710 12nm processor par chalta hai. Iske alawa yahaan aapko 24+8+2 MP ka triple rear camera setup milta hai. Jabki front camera ismein bhi aapko 32 MP ka hi diya gaya hai.

Iske alawa Huawei P30 Lite mein 3340mAh ki battery, fast charging support ke saath hai, hybrid dual SIM slot hai, rear mounted fingerprint scanner hai aur EMUI 9.0 UI diya hai, jo ki Android 9.0 Pie OS par based hai.

Huawei P30 Lite ke two storage version India mein launch huye hain, jinmein 4GB+128GB storage ki cost 19,990 INR hai, jabki 6GB+128GB storage ka price 22,990 INR rakha gaya hai.

Launch offers

  • Dono hi smartphones par No Cost EMI option aur 5% ka cashback offer hai.
  • Saath hi Jio users ke liye 2200 INR ka cashback vouchers ke form mein diya jaa raha hai.
  • Huawei P30 Pro ke users ko 2,000 INR extra pay karne par Huawei Watch GT mil rahi hai, jiski actual cost 15,990 INR hai.
  • 20,000 INR pay karne par aapko 6 months ke liye free screen protection plan bhi diya jaa raha hai.
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: