Huawei P30 & P30 Pro India Mein Honge, Amazon Exclusive

Huawei P30 Pro ko company last month Paris mein launch kar chuki hai. Is smartphone ki highlight iske rear panel par moujood quad cameras hain, jinki kaafi taareef ki jaa rahi hai. Filhaal ab khabar ye hai ki ye handset jaldi hi India mein bhi launch hone waala hai aur yahaan ye Amazon exclusive hoga.

 

Darasal, aaj Huawei P30 Pro ko iske features ke saath Amazon.in par list kiya gaya hai, jisse ye saaf hai ki India mein ye smaretphone jaldi hi launch kiya jaa sakta hai. Amazon par, landing page par Huawei P30 Pro ke camera aur uske features ke baare mein bataaya gaya hai aur expect kiya jaa raha hai ki India mein iska 8GB RAM ke saath 128GB storage version hi launch kiya jayega, kyunki Amazon par ye isi single storage options ke saath listed hai.

Huawei P30 Pro mein 7nm based Kirin 980 chipset hai. Saath hi ismein quad rear cameras diye gaye hain, jo ki vertically set hain. Inmein 40 MP ka primary camera hai  aur RGB nahin balki RYYB pattern sensor hai, ye f/1.6 aperture, Superspectrum sensor, OIS jaise features ke saath aayega aur apne predeccesors ke mukaable ye 40 percent jyada light ek tasveer mein capture kar sakta hai.

Iske alawa 20 MP ka secondary camera, ultra wide angle lens aur 8 MP ka depth sensor yahaan par 5x Superzoom lens ke saath fit kiya gaya hai. Isi ke saath ye 10x hybrid zoom aur 50x digital zoom technology bhi rakhta hai. In sabke alawa LED flash ke thik neeche fourth ToF rear camera moujood hai, jo ki depth field ke liye hai

Other features mein 6.47 inch ki FHD+ OLED display, 32 MP ka front camera, 4200mAh ki battery, aur EMUI 9.0 ke saath Android 9.0 Pie OS shaami hain.

Wahin Huawei P30 mein 40+16+8 MP ke triple rear cameras hain, 32 MP ka front camera hai aur 3650mAh ki battery moujood hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: