Huawei P30 & P30 Pro Amazing Camera Technology Aur FHD+ HDR Displays Ke Saath Announce Huye

Jaisa ki Huawei ne promise kiya tha, company ne apni nayi flagship smartphone P30 series launch kar di hai. Is series mein three handsets launch kiye gaye hain, jinmein Huawei P30 aur P30 Pro shaamil hain. Is article mein hum aapko P30 aur P30 Pro ke baare mein bataane waale hain. Ye dono hi smartphones Black, Pearl White, Aurora, Amber Sunrise aur Breathing Crystal colors mein announce kiye gaye hain.

Huawei P30 Pro

Pehle baat karte hain, Huawei P30 Pro ke cameras ke baare mien, jo ki iski highlight hai. Is smartphone mein quad rear cameras diye gaye hain, jo ki vertically set hain. Inmein 40 MP ka primary camera hai  aur RGB nahin balki RYYB pattern sensor hai, ye f/1.6 aperture, Superspectrum sensor, OIS jaise features ke saath aayega aur apne predeccesors ke mukaable ye 40 percent jyada light ek tasveer mein capture kar sakta hai.

Iske alawa ek 20 MP ka secondary camera f/2.2 aperture aur ultra wide angle lens ke saath diya gaya hai, saath hi 8 MP ka depth sensor yahaan par 5x Superzoom lens ke saath fit kiya gaya hai. Isi ke saath ye 10x hybrid zoom aur 50x digital zoom technology bhi rakhta hai. In sabke alawa LED flash ke thik neeche fourth ToF rear camera moujood hai, jo ki depth field ke liye hai.

Other features ki baat karein to, ismein 6.47 inch ki full HD+ OLED HDR display, Huawei Kirin 980 chipset jaise features hain. Saath hi 8GB ki LPDDR4x RAM, 128GB storage, 256GB storage aur 512GB storage ke saath di gayi hai. Ismein 32MP ka front camera hai.

Saath hi Huawei P30 Pro mein Android 9.0 Pie OS ke saath EMUI 9.0 skin di gayi hai. In-display fingerprint scanner ke saath aane waale is smartphone mein aapko 4200mAh ki battery HUAWEI SuperCharge fast charging support ke saath fit ki gayi hai.

Huawei P30

Huawei P30 mein aapko triple rear cameras milte hain, jinmein main 40 MP ka RYYB sensor hai aur f/1.6 aperture, OIS  ke saath aata hai. Iske alawa 16 MP ka ultra wide angle camera aur 8 MP ka telephoto lens yahaan par 3x zoom ke saath diya gaya hai.

Huawei P30 mein bhi aapko 32 MP ka selfie sensor f/2.0 aperture ke saath milta hai. Ismein bhi in-display fingerprint scanner aur Huawei ki SuperCharge fast charging technology moujood hai, lekin battery capacity yahaan 3650mAh ki hai. Is handset mein aapke paas 6GB / 8GB RAM options honge, jabki storage kewal 128GB ki hi hai.

Is smartphone mein 6.1 inch ki full HD+ OLED HDR display hai aur ye bhi Huawei ke Octa Core processor Kirin 980 par hi chalta hai.

Ye dono hi smartphones dual SIM support, dual 4G volte connectivity, Wi-Fi 802.11 ac, Bluetooth 5 LE aur 3.5mm audio jack ke saath aate hain.

Ab aate hain inki pricing par.

Huawei P30 Pro

  • 128GB – 999 Euros (approx. 78,000 INR)
  • 256GB – 1099 Euros (approx. 85,500 INR)
  • 512GB – 1249 Euros (approx. 97,000 INR)

Huawei P30

  • 6GB+128GB – 799 Euros (approx. 62,000 INR)
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: