Huawei P Smart Z Pop-up Selfie Camera Ke Saath Hua Launch, FPS Aur AI Camera Option Milenge Iss Phone Mein

March 2019 mein Huawei P smart+ phone ko launch karne ke baad ab company ne Huawei P Smart Z smartphone ko bhi launch kar diya hai. Phone ki highlight mein iska pop-up selfie camera hai. Iss phone ko abhi sirf Europe mein announce kiya gaya hai. Pop-up selfie camera ke saath aane wale jyadatar phone pricier side par launch kiye jaate hain wahin company ne iss phone ko budget range mein launch kiya hai.

 

Huawei P Smart Z phone mein company ne 6.59 inch ki Full HD+ display di hai jo ki 2.5D curved glass ke saath aati hai. Phone ka screen aspect ratio 19.5:9 diya gaya hai. Iss phone mein Octa-Core Kirin 710F processor ko use kiya gaya hai jo ki ARM Mali-G51 MP4 GPU ke saath aata hai. Yeh phone dual hybrid sim ke saath aata hai jismein aap do sim aur microSD card ko use kar sakte hain.

 

Storage ke liye iss phone mein aapko 4GB RAM ke saath 64GB internal stoarge dekhne ko milti hai jise aap microSD card  ki help se 512GB tak expand kar sakte hain. Phone ke  rear panel par aapko finger print scanner ka option milta hai. Yeh phone 4000mAh ki battery capacity ke saath aata hai. Haalanki phone mein fast charging ka option nahi milta hai lekin charging ke liye ismein aapko USB type-C port diya gaya hai. Saath hi connectivity ke liye aapko iss phone mein dual 4G VoLTE, dual band Wi-Fi 802.11 ac, Bluetooth 4.2 LE, GPS+GLONASS aur NFC jaise option mil jaate hain.

Baat karein phone ke camera ki to ismein 16MP ka front facing pop-up camera milta hai. Saath hi rear panel par 16MP ka primary camera aur 2MP ka secondary camera diya gaya hai jo ki AI scene detection aur AI portrait mode jaise feature provide karta hai. Company ki according phone ka pop-up camera 12Kg tak ke pressure ko bear kar sakta hai. Saath hi pop-up mechanism 100,000 se jayada baar tak work karne ki capability rakhta hai. Iss phone mein aapko Midnight Black, Sapphire Blue aur Emerald Green color ke option mil jaayenge.

 

Abhi iss phone ko sirf Europe mein launch kiya gaya hai jahaan iski price €279 (~Rs 21,750) rakhi gayi hai. Jaldi hi company ise Spain ke saath saath baaki countries mein bhi launch karegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: