Huawei ne Multiple Devices ke Liye Announce Kiya Apna Naya OS, Ye Hain Iske Features

U.S government dwara Huawei par lagaaye gaye ban ke baare mein hum sabhi jaante hain. Halaanki iske baad ye ban kaafi hadd tak wapas liya gaya hai, lekin Huawei ne iske baad apne multiple OS par kaam karna shuru kar diya tha. Aur aaj company ne multiple devices ko operate karne ke liye ek naya OS announce bhi kar diya hai, jiska naam hai, Harmony OS.

Company ka ye naya distributed Harmony OS aaj Huawei Developer Conference, China mein showcase kiya gaya hai. Ye operating system smartwatches, smart screens, smart speakers aur vehicles ke liye hai.

Huawei ke according, ye ek light aur compact OS hai, jo kayi devices ke beech share kiya jaa sakega. Ismein aap apne devices ke beech mein sharing kar sakenge, aur ismein distributed architecture, distributed data management ke liye distributed virtual bus technology, distributed task scheduling jaise features hain.

Harmony OS par jo apps moujood hain, wo aapke multiple Huawei devices par kaam karengi. Saath hi ye OS automatically different devices ke screen ko adapt karke aapko screen par show karega aur drag and drop control & preview-oriented visual programming support karega.

Huawei claim karta hai ki wo is OS ko lekar safety aur security measurements par bet laga sakta hai. Huawei ke according, Harmony OS ki performance Google Fushcia aur Android (Linux) se slightly better hi hai, lekin smartphones ke liye OS ko lekar abhi tak is company ne kuch bhi reveal nahin kiya hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: