Huawei Ne Affordable Price Par India Mein Launch Kiya Huawei MediaPad 5

Huawei ne India mein MediaPad series ko expand karte huye Huawei MediaPad 5 ko launch kar diya hai. Iss MediaPad mein aapko do storage variants dekhne ko milte hain. Iss MediaPad ko metal body ke saath design kiya gaya hai. Iss tablet mein aapko dedicated “children corner” feature diya gaya hai jiss se aap child ke dwara dekhe jaane wale content par nazar rakh sakte hain saath hi usage ki limit ko bhi set kar sakte hain. Issi ke saath iss MediaPad mein eye comfort mode bhi diya gaya hai, jis se aapko content read karne mein jyada problem nahi hoti hai.

Yeh Huawei MediaPad 5 10.1 inch ki full HD vivid display ke saath aata hai. Iss MediaPad mein Octa-Core Kirin 659 16nm processor ko use kiya gaya hai, jo ki MaliT830-MP2 GPU ke saath aata hai. Iss MediaPad mein EMUI 8.0 based Android 8.0 Oreo operating system diya gaya hai. Iss tablet mein aapko front camera 2MP ( f/2.4 aperture) ka aur rear camera 5MP (f/2.4 aperture) ka milta hai.

Also Read : Huawei Ne Launch Kiya Kirin 810 Chipset 

Iss MediaPad mein gravity sensor ko use kiya gaya hai. Tablet ko power dene ke liye 5100mAh ki typical battery ismein di gayi hai. Yeh tablet dual speakers ke saath aata hai, jismein Huawei Histon sound effect aapko milta hai. Connectivity ke liye aapko iss tablet mein 4G LTE, dual band Wi-Fi, Bluetooth 4.2 LE aur GPS ka option diya gaya hai.

Iss Huawei MediaPad 5 ko Black color mein launch kiya gaya hai. Iss tablet ka 2GB/16GB variant Rs 14,990 mein aur 3GB/32GB storage variant Rs 16,990 mein purchase kiya jaa sakta hai. Yeh MediaPad 5 Amazon.in ki website par 10th July se sale ke liye available hoga. Iske alawa launch offer ke form mein aapko iss tablet ke saath ek flip cover free diya jaa raha hai, saath hi Rs 2,998 ki keemat wale HUAWEI Earphone AM 12 bhi free milenge.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: