Huawei GT Sports Edition & GT Classic Edition Smartwatches Launched In India

Huawei ne last year announce ki gayi Huawei Watch GT ko finally aaj India mein bhi launch kar diya hai. Yeh sport watch kaafi sturdy look aur bhadiya battery ke saath aati hai. Company ne claim kiya hai ki iss watch mein aapko 2 weeks ki battery life milegi. Iss sport watch mein aapko heart rate monitor, GPS support aur fitness tracking jaise features milte hain. Company ne iss watch ko 2 variants mein launch kiya hai jin mein Huawei Watch GT Sports Edition aur Classic Edition include hain.

 

Huawei Watch GT Watch mein 1.39 inch ki AMOLED touch display di gayi hai jiska pixel resolution 454×454 hai. Watch mein ARM M4 processor use kiya gaya hai. Iss watch mein 16MB ki RAM aur 128MB ki internal storage bhi di gayi hai. Watch ko 5ATM water resistant design kiya gaya hai jo ki 50 meter tak under water work karegi. Connectivity ke liye iss watch mein bluetooth 4.2 milta hai jo ki Android 4.4 aur iOS 9.0 aur iss se upar ke sabhi Os ko support karega. Yeh watch IR based heart rate monitor ke saath aati hai. Yeh watch na sirf active time balki sleeping aur rest time mein bhi heart rate monitor karti hai.

Watch mein 420mAh ki battery di gayi hai jo ki company ke according 14 days ki battery life provide karegi. Iss watch mein aapko 3D distance, trail running, altitude barometer, compass jaise features mil jaate hain. Iske alwa yeh watch indoor, outdoor aur open swimming jaisi activity ko bhi track kar sakti hai. Watch ko stainless steel aur ceramic bezels ke saath design kiya gaya hai.

India mein Huawei Watch Gt Sport Edition ki price Rs 15,990 rakhi gayi hai wahin iss watch ke Classic Edition jo ki leather strap ke saath aata hai, ko Rs 16,990 ke price tag ke saath launch kiya gaya hai.  19th March se yeh watch Amazon India ki website par sale ke liye available hogi. Launch offer mein aapko iss watch ke saath Huawei AM61 BT headset bhi diye jaa rahe hain jinki market price Rs 2,999 hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: