Punch-Hole Selfie Camera Ke Saath Launch Hua Honor Ka First Smartphone – Honor V20, Three Storage Options, Triple Rear Cameras And More

Honor ne finally apna most awaited smartphone Honor V20 China mein launch kar diya hai. Yeh phone kaafi dino se rumors ke beech bana hua tha. Jahan iss phone ka camera iski hype ka main reason tha. Saath hi in-display front camera ki wajah se bhi yeh rumors ke beech bana hua tha. Honor V20 ko flagship phones ki category mein launch kiya gaya hai. Aaiye jaante hai kya hai aisa iss phone mein jo isse khaas banata hai.

 

Sabse pehle baat kar lete hain phone ki display ki jahan aapko milti hai 6.4 inch ki FHD+ LCD IPS display jo ki aati hai NTSC color Gamut ke saath. Honor V20 mein Huawei ka Kirin 980 Soc processor diya gaya hai jo ki ARM Mali G760-MP10 GPU ke saath aata hai. Honor V20 ko 3 storage variant mein launch kiya gaya hai. Jismein 3rd variant Moschcino Edition hai. Jo ki Honor V20 ka top variant hai jismein 8GB RAM aur 256GB internal storage ka option milta hai. Baaki ke 2 variants mein aapko 6GB RAM aur 8GB RAM ke saath 128GB internal storage ka option dekhne ko milega. 

Jaisa ki humne aapko shuruaat mein baataya ki iss phone ka camera iski hype thi, to aapko bata de ki Honor V20 mein aapko 48MP ka  primary rear camera diya gaya hai aur secondary camera 3D TOF ( Time Of Flight ) camera diya gaya hai. Honor V20 ke camera mein kuch bhadiya features diye gaye hai.  TOF camera ki baat ki jaaye to yeh images ko bhadiya depth dene mein help karta hai jisse aapko 3D image click karne mein help milti hai. Saath hi yeh camera body movements ko recognize karne mein bhi capable hai. Iske alawa aapko phone mein 25MP ka front facing in-display camera diya gaya hai. Iss sabhi features ke alawa phone mein AI based portrait mode, beauty mode, AI HDR mode, 960fps slow motion video recording ka option bhi aapko milta hai.

Honor V20 mein aapko Android 9.0 Pie OS milta hai. Saath hi iss phone mein 4000mAh ki battery di gayi hai jo ki fast charging ko support karti hai. Connectivity ke liye iss phone mein aapko dual band supported Wi-Fi, bluetooth, GPS, NFC ka support milta hai. Saath hi audio output ke liye 3.5mm headphone jack ka option bhi iss phone mein milta hai. Honor V20 ko 3 color option mein launch kiya gaya hai jahan aapko mid night black, red aur blue color ke option dekhne ko milte hain. Saath hi phone ke rear panel par aapko finger print scanner ka option bhi milta hai. Iske alawa proximity sensor, gyro sensor, ambient light sensor, accelerometer jaise basic features bhi aapko iss phone mein diye gaye hain. Company ki according yeh phone Link Turbo Technology ke saath launch kiya gaya hai.

China mein Honor V20 ke top variant Moschcino Edition ki price CNY 3,999 ( RS 40,560 Approx. ) rakhi gayi hai. Iske alawa 6GB/128GB variant ki price  CNY 2,999 (Rs 30,500 Approx.) aur 8GB/128GB variant ki price CNY 3,499  (Rs 35,500 Approx. ) rakhi gayi hai. Order ke liye yeh phone China mein aaj se available hoga aur 28 December se yeh phone sale ke liye available ho jaaega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: