Huawei Mate 20 Pro India Mein Launch Hua: Specs Aur Price Yahaan Check Karein

Finally, Huawei ka premium smartphone, Mate 20 Pro aaj New Delhi mein ek media event mein launch kiya gaya. Is smartphone ki highlight, ismein diye gaye triple rear Matrix cameras hai, jo ki OIS ke saath aayenge. Ye ek Amazon exclusive smartphone hai, jo Midnight Blue, Black, Twilight aur Emerald Green colors mein available hoga.

Huawei Mate 20 Pro mein 6.39 inch QHD+ OLED DCI-P3 HDR display di gayi hai, jo aapko yahaan 19.5:9 aspect ratio ke saath milti hai. Ye handset Huawei Kirin 980 chipset par chalta hai aur ismein aapko 6GB ki RAM ke saath 128GB ki inbuilt storage milne waali hai. Saath hi dedicated microSD card slot bhi hai, jo 256GB tak ke cards accept karta hai.

Ab baat karte hain, us feature ki, jiske liye Mate 20 Pro famous hai, yaani ki iske triple rear sensors. Ismein 40 MP ka primary rear camera hai jo ki, f/1.8 aperture ke saath aayega. Wahin iska secondary rear camera 20 MP ka hai, jo ki ultra wide angle lensaur f/2.2 aperture ke saath aapko yahaan par mil jaata hai. Iske alawa third rear camera 8 MP ka diya gaya hai, jo ki telephoto lens haiaur f/2.4 aperture ke saath moujood hai. Saath hi aapko yahaan laser auto focus, PDAF, contrast focus aur AIS jaise kayi camera features bhi milte hain.

Mate 20 Pro mein selfies click karne ke liye bhi 24 MP ka camera hai, jo ki f/2.0 aperture ke saath fit kiya gaya hai. Iski battery 4200mAh ki hai, jo 40W SuperCharge aur 15W Wireless Quick Charge support ke saath milti hai.

Iske alawa is hybrid dual SIM based smartphone mein dual 4G VoLTE support hai, in-display fingerprint reader haiaur 3D faced unlock feature bhi yahaan par apko diya gaya hai. Saath hi IP68 rating ke saath ye ek water and dust resistant smartphone hai.

Ismein aapko Android 9.0 Pie software ke saath Huawei ka EMUI 9.0 custom user interface milta hai.

Ab baat karte hain, pricing details ki, to Huawei Mate 20 Pro ki kimat 69,990 INR hai aur is smartphone ko aap Amazon par 3rd of December, 2018 se purchase kar sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: