Huawei Launch Karega World Ka First In-Display Camera Wala Smartphone; Is Naam Ke Saath December Mein Launch Expected

Aaj hi Huawei ne India mein apna Mate 20 Pro launch kiya hai, lekin saath hi company apne next smartphone launch ki planning bhi kar chuki hai.

Is Chinese leading company ne abhi ek teaser poster launch kiya hai, jo ki ek naye smartphone ka hai, jismein bina kisi notch aur bina kisi bezel ke full view display nazar aa rahi hai. Is teaser poster ko aap neeche dekh sakte hain.

Is poster mein notch nahin hai, lekin full view display mein aapko top left edge par jo hole nazar aa raha hai, wo front camera ke liye hai. Iska seedha matlab yahi hai ki Huawei ka next smartphone in-display front camera ke saath launch hone waala hai.

Halaanki Samsung ne bhi apne upcoming smartphone ke liye Infinity-O display ki baat kahi hai, zaahir hai ki is company ka bhi in-display front camera ke saath aane waala smartphone, jaldi hi launch ho sakta hai, lekin company ki taraf se iski confirmation nahin hai.

Yahaan par ye kehna sahi hai ki world ka in-display fingerprint scanner ke saath aane wala first smartphone, Huawei hi launch karne wala hai.

Lekin ye phone kaun sa hoga, is par sawaal abhi bane huye hain.

Darasal, kaafi leaks ye suggest kar rahe hain ki is smartphone ka naam Huawei Nova 4 ho sakta hai. Aur khaas khabar ye bhi hai ki aaj Huawei ka ek device, ek bus mein travel karte person ke haath mein dekha gaya aur is device mein bhi in-display camera moujood hai. Saath hi aap yahaan audio jack bhi dekh sakte hain. Iske alawa ismein koi bezel nahin hai, ye bhi saaf nazar aa raha hai.

Iske alawa kuch industry insider bhi yahi keh rahe hain ki Huawei hi world first smartphone with in-display front camera, launch karne wala hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: