Huawei Ko Mili Raahat, U.S Firms Ab Phir Se Kar Sakti Hain Huawei Ke Saath Business; Ye Hai Poori Khabar

American President, Donald Trump ne kuch samay pehle announce kiya tha ki koi bhi U.S based company, Huawei ke saath business nahin kar sakti. Isi ke chalte Google ke Android software bhi Huawei phones par aage nahin milenge, aisi news aayi. Iske alawa U.S firms Huawei ko koi smartphone parts bhi nahin de sakti thi. Lekin ab aisa lag raha hai ki Huawei ki ye problem lagbhag ek mahine baad khatm hoti nazar aa rahi hai.

Japan mein huye G20 Summit ke dauraan, American President ne kaha hai ki ab U.S companies aur Huawei ke beech business phir se start ho sakta hai. National security ke liye Huawei ko risky bataate huye, Huawei ko U.S. mein business se ban kiya gaya tha. Is G20 summite ke dauraan ab ye ban hata diya gaya hai.

ALSO READ: FaceBook Ne Bhi Diya Huawei Ko Jhatka, Upcoming Huawei Phones Mein Pre-installed Nahin Milengi Ye Apps

America aur China ke beech ab trade talks phir se shuru ho chuki hain. Lekin America ki Commerce Department’s Entity List mein Huawei ka naam ab bhi shaamil hai. Ye wo list hai, jismein shaamil hui companies ke saath American companies business nahin karengi. Lekin G20 Summit mein shuru hui trade talks ke duraan Donald Trump ne kaha hai ki U.S. companies jaise ki Google, Intel aur Qualcomm Huawei ko apne products sale kar sakti hain. Iske baawjood filhaal Huawei apne products U.S. mein sale nahin kar sakta.

Shuru hui is trade talk mein agar dono countries kisi natije par pahunchti hain aur agreement karti hain, to shayad is list mein se Huawei ka naam hat jaaye aur wo bhi apne products U.S. mein pehle ki tarah sale kar sake. Lekin agar aisa nahin hota hai, to shayad phir se Huawei aur U.S. companies ke beech business par poori tarah se rok lag sakti hai aur America mein Huawei blacklist ho sakti hai.

Lekin yahaan par Huawei ke liye ek ummid ki kiran saamne aayi hai. Atleast Google se OS aur other companies se bhi wo smartphones parts le sakta hai.

ALSO READ: Huawei Ka Naya Kirin 810 Chipset, Karega Company Ki Ye Badi Problem Solve

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: