Huawei Ki Nayi Flagship P30 Series Ki Launch Date Announce Hui, Teaser Video Mein Reveal Kiya Venue

Huawei ki P30 series, jiske baare mein hum itne samay se rumors mein padhte aa rahe the, aaj uski launch date company ne reveal kar di hai. Huawei ke Twitter handle ke through is upcoming flagship series ke launch date aur venue ki announcement ki.

10 Jahan company ne bataya ki Paris, France mein set kiye event ke dauraan iss phone ko 26th March ko unveil kiya jaaega. Launch ki announcement company ne apne twitter handle ke through ki hai. Twitter par company ne 10 seconds ke ek short video post mein Huawei P30 Series ko mention kiya hai. Saath hi hashtag ke sign ke saath #REWRITETHERULES ko bhi teaser video mein mention kiya gaya hai.

Iss launch mein expect kiya jaa raha hai ki company P30 series ke 3 smartphones ko launch kar sakti hai. Iss series mein Huawei P30, P30 Pro aur P30 Lite phones included ho sakte hain. Abhi tak saamne aayi leaks mein yeh phone triple rear vertical camera ke saath dekha gaya hai. @Onleaksx91Mobiles ki taraf se aayi leaks images mein yeh phone gradient panel ke saath dekha gaya hai jaisa ki aap neeche di gayi image mein dekh sakte hain. Wahin same leaks se expect kiya jaa raha hai ki yeh phone glass rear panel ke saath launch kiya jaa sakta hai. Saath hi is phone mein tear drop notch display bhi dekhne ko mil sakti hai.

image credit: @OnleaksX91mobiles

 

Phone ke optics ko le kar bhi kaafi rumors saamne aa rahi hain jahan ummid ki jaa rahi hai ki yeh phone 40MP camera ke saath launch kiya jaa sakta hai. Saath hi triple rear camera TOF (Time of Flight) sensor ke saath aa sakta hai.  Rumors ki according flagship phones ki range mein agar yeh phone launch kiya jata hai to company iss phone mein Kirin 980 processor hi degi, jo ki aap P20 series mein bhi dekh chuke hain. Upar diye gaye phone mein kaafi kam bezels dikhai de rahi hain.

Jahan bataya gaya hai ki iss phone ke top riant mein aapko 6.5 inch ki OLED display dekhne ko mil sakti hai. Iske alawa iss phone ka top variant 12GB RAM ke saath launch kiya jaa sakta hai. Saath hi iss phone mein fast charging ka support bhi dekhne ko mil sakta hai. Abhi tak iss phone ki official images ya specifications ko company ne reveal nahi kiya hai. Inn sabhi rumors ke baad 26th March ko hi finally yeh pata chal paaega ki yeh phone kis category mein launch kiya jaaega. Saath hi iski final price bhi official launch ke baad hi pata chal sakegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: