Huawei Ke In-Display Camera Ke Saath Aane Waale smartphone Ki Images Leak: December Mein Launch Hoga Ye Phone

2018 ke saath notch displays ka trend bhi khatm hota nazar aa raha hai aur expect kiya jaa raha hai ki 2019 mein smartphones mein truly full view display dene ke liye in-display camera ke saath smartphone launch kiye jayenge.

Huawei wo company hai jo in-display camera ke saath world ka first smartphone launch karne jaa rahi hai. Wahi isse se related ek aur news saamne aayi hai jaha Huawei ke is smartphone ki images leak ho chuki hain.

So basically yeh news Huawei ke upcoming smartphone Nova 4 ko le kar hai, jo ki Huawei Nova 3 ka hi ek successor phone hai.

Maana jaa raha hai ki Huawei Nova 4 hi wo phone hai, jismein sabse pehle in-display front camera dekhne ko milega. Is smartphone ke teasers, company already launch kar chuki hai. Pictures mein dikhai de rahe phone mein kaafi kam bezels dikhai de rahi hain.  Images ko thoda deeply dekhne par aapko dikhega ki iss phone mein body ke top par headphone jack ka option diya gaya hai.

Phone ke specifications ko le kar abhi koi update nahi aayi hai lekin expect kiya jaa raha hai ki yeh phone Huawei ke latest chipset Kirin 980 ke saath aa sakta hai. Wahi ummid ki jaa rahi hai ki iss phone mein LCD display ka use kiya jaa sakta hai. Nova 3 ke comparison mein agar iss phone ko dekha jaaye to maana jaa raha hai ki yeh ek high end phone ho sakta hai.

Phone ka design ko poori tarah reveal naa karne ki wajah se phone ke back panel par ek hard thick back cover use kiya gaya hai. Last rumors ke according maana jaa raha hai ki yeh phone bhi gradient colors mein aa sakta hai.

Leaks huyi image mein yeh phone Chinese singer Jackson Yee ke hath mein dikhai de raha hai. Jaha par Jackson Yee ki birthday occasion ke duaraan iss phone ko singer Jackson Yee ko promotion ke liye dikhaya gaya hai. Probably yeh phone December last tak China mein launch kiya jaa sakta hai.

Infinity-O display aur in-display camera hole ke iss competition mein dekhte hain ki kaun si company sabse pehle apna phone market mein utaaregi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: