Huawei Foldable Smartphone Mate X, MWC 2019 Mein Launch Hua; Price Sunkar Ud Jaayenge Aapke Hosh

MWC 2019 mein Huawei ne finally apna foldable smartphone Mate X announce kiya hai. Is foldable smartphone ki highlight ye hai ki company ne ismein Falcon Wing design use kiya hai, jo ki stretchable hinge ke saath aata hai aur aapko dono sides par smooth display milti hai. Mate X unfold hone par kewal 5.4mm thick hai.

Display & Chipset

Mate X mein 6.6 inch ki OLED display aapko milti hai, jiska screen resolution 2480 x 1148 pixels hai aur unfold hone par ye ek 8 inch ki OLED screen mein convert ho jaati hai. Iske alawa fold hone par jo rear panel par aapko screen di gayi hai wo 25:9 aspect ratio ke saath 6.38 inch ki screen hai.

Iske alawa is foldable smartphone mein aapko Kirin 980 processor diya gaya hai, jise aap last year Huawei Mate 20 series mein bhi dekh chuke hain. Saath hi is smartphone mein aapko 5G support ke liye Balong 5000 5G modem bhi milta hai.

Triple Leica Cameras

Mate X mein koi notch ya pop-up selfie camera nahin hai, balki cameras ke liye alag hi jagah hai. Is smartphone ki ek side kaafi thick hai aur usi side par aapko triple Leica cameras milte hain. Inmein primary camera 40 MP ka hai, jo f/1.8 aperture ke saath aata hai. Iske alawa secondary camera 16 MP ka wide angle camera hai aur ek 8 MP ka telephoto lens bhi aapko yahaan par milta hai.

Ab aap soch rahe honge ki selfie camera kahaan hain. Darasal selfie camera ke liye aapko rear side par jo display hai, usi ko use karna hai aur yahi triple Leica cameras, selfie camera ka kaam karenge. Jaisa ki aap neeche di gayi image mein dekh bhi paa rahe honge.

Battery

Mate X mein 4500mAh ki battery hai aur yahaan bhi dual battery system hi diya gaya hai. Isse bhi achhi baat ye hai ki ismein aapko 55W SuperCharge technology milti hai, jo is 4500mAh battery ko 0 se 85% tak kewal 30 minutes mein charge kar sakti hai.

Other features

Huawei Mate X mein Android 9.0 Pie OS ke saath EMUI 9.1.1 hai. Yahaan aapko hybrid dual SIM slot milta hai, jismein second SIM slot ko aap NM card slot ki tarah bhi use kar sakte hain. Phone ka jo side thicker hai, wahin par side-mounted fingerprint scanner bhi diya gaya hai. Dual speakers bhi hain, 5G multi mode, dual 4G VoLTE, Wi-Fi 802.11 ac, Bluetooth 5.0 LE, GPS aur USB Type-C charging port aapko yahaan par milta hai.

Pricing Details

Huawei Mate X ka price 2299 Euros hai, (approx. 1,85,000 INR). Ye foldable smartphone sirf Interstellar Blue color mein Q2 se hi available hoga. Well, yahaan par aapko Galaxy Fold ki tarah color options nahin milte hain aur iska price bhi Galaxy Fold ke comparison mein jyada hai. Lekin wahin Huawei Mate X, looks ke maamle mein Galaxy Fold ko peeche chod raha hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: