Huawei Foldable Smartphone Ka Poster Leak Hua, Phone Ka Naam Aur Design Launch Se Pehle Aaya Saamne

Samsung ke foldable smartphone ke baad, agli baari Huawei ki hai. Huawei MWC 2019 (Mobile World Congress) mein apna most premium foldable smartphone launch karne waal hai, jiske teasers aur invite hum lagaatar uske Twitter handle par dekh rahe hain. Lekin abhi tak phone ke naam ya specifications ka khulaasa nahin ho paaya tha, jo aaj galati se hua hai.

Aap sahi sun rahe hain. Darasal, ek promotional banner ya poster ke through Huawei ke foldable smartphone ka naam saamne aaya hai. Huawei ke is phone ka naam, Mate F nahin, balki Mate X hoga.

Mate X ke leaked poster mein aap dekh sakte hain ki ismein sirf ek display moujood hai, yahaan aapko Galaxy Fold ki tarah two display nahin milti hain. Main display ko hi aap jab fold karenge to wo small display mein convert hoti hai. Jabki Galaxy fold mein separate two displays hain. Iske alawa ismein aapko koi notch nahin milta hai, saath hi bezels bhi kaafi slim hain.

Huawei Mate X mein phone ka ek side kaafi thick hai, aur usmein kuch buttons bhi nazar aa rahe hain. Expected hai ki ye buttons camera control aur fingerprint sensor ke liye ho sakte hain.

Iske alawa abhi is smartphone ke baare mein aur koi khabar saamne nahin aayi hai. Huawei Mate X kal yaani ki 24th February ko MWC 2019, Barcelona, Spain mein launch hone wala hai.

Sirf kal tak ka intezaar aur ek aur foldable smartphone ki highlights hum aapko zaroor bataayenge.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: