Hrithik Roshan Ki Iss Movie Ke Baare Mein Aapko Nahin Pata Hongi Yeh Saari Baatein

Hum sabhi movie dekhte hain. Kabhi kisi movie ko pasand karte hain, to kabhi kisi movie ko criticize bhi karte hain. Audience ke nazariye ke saath hi ek actor/actress popular hota hai ya fir usi nazariye ke saath wah samiksha ka hakdaar banta hai. Aaj hum aise hi ek actor ke baare mein baat karne jaa rahe hain aur aapko bataenge uski pehli film ke saath shuru huye career aur iss film ke unknown facts ke baare mein.

 

Hum baat kar rahe hain Hrithik Roshan aur unki pehli official debut film Kaho Na Pyar Hai ke baare mein. Ji ha yeh Hrithik Roshan ki pehli movie thi jahan unhone lead role character ke form mein debut kiya tha. Isi ki saath unki co-actress Ameesha Patel ki bhi yeh pehli debut movie thi. Aapko jaan kar hairaani hogi ki romance se bhari hogi ki iss movie ke liye pehle Shahrukh Khan ko choose kiya gaya tha lekin unhone iss movie ko karne se mana kar diya. Isi ke saath hi female lead role ke liye bhi iss movie mein pehle Kareena kapoor ne kaam kiya lekin family ki taraf se aa rahe kuch objection ki wajah se unhone yeh movie nahi ki.

 

Iss movie mein Hrithik Roshan ke dusre role Raaj ki maa ka role play karne wali lady real life mein Ameesha Patel ki maa hain. Jinka naam hain Asha Patel. Iss poori movie ke dauraan aapne Ameesha Patel ki awaaz sayad gaur naa ki ho lekin aapko jaan kar thoda ajeeb lage ki unki awaaz iss movie mein voice over ki gayi thi jise voice over kiya tha Mona Raj Chatterjee ne, jo ki ek Bollywood voice over artist hain.

 

Iss movie ke liye Director Rakesh Roshan ko ek fit aur handsome body actor ki jarurat thi, jiski according Hrithik Roshan handsome to the lekin unki body utni fit nahi thi. Tab unhone iss movie ke liye Sakman Khan se body ko fit banane ke liye training li thi. Iss movie ke saath uss samay 2 aur badi movie release huyi thi jo thi Shahrukh khan aur Amitabh Bachhan ki Mohabbatein aur Salaman Khan, Pretti Zinta aur Rani Mukharjee ki Har Dil Jo Pyar Karega. Lekin iss movie ka collection inn dono hi movies se kaafi jyada raha tha. Issi ke saath uss saal iss movie ko 102 award mile jo ki abhi tak kisi bhi movie ko diye gaye awards mein sabse jyada hain. Yahan khaas baat yeh bhi thi ki iss movie ke dono hi lead actor aur actress fresher the. Isi ke saath iss movie ne Limca Book of Records mein sabse jyada awards paane wali movie ke tor par apna naam darz karwa liye tha. Wahin Hrithik Roshan ko bhi iss movie ke liye best actor aur best debut actor ka award bhi mila tha. Jo ki aaj tak Bollywood industry mein nahi hua hai.

Iss movie ke baad Rakesh Roshan ke pass na sirf India se balki out of India se bhi kaafi unknown call aane lage the. Aap soch rahe honge ki yeh call movie ke hit hone ki wajah se aa rahe honge lekin nahi, aisa kuch nahi tha. Actually mein movie ke ek scene mein Rakesh Roshan ka uss samay personally use kiya jaane wala number movie mein dikhaya gaya tha, jiski wajah se unhe yeh call aana shuru ho gaye the. Issi ke saath iss movie successful hone ki wajah se Hrithik Roshan ko bhi iss movie ke baad 30,000 marriage proposal aaye the. Jo ki kuch samay pehle Bahubali movie ke lead actor Prabhas ke saath  bhi hua tha. Lekin Prabhas ko sirf 6,000 marriage proposal hi aaye the jo ki Hrithik Roshan ke compare mein kaafi kam hain.

 

Movie mein aapne dekha hoga ki Ameesha Patel ko Hrithik Roshan signal par khadi car mein dekhte hain. Yeh scene na sirf iss movie ka part hai balki unki life se bhi juda hai. Hrithik Roshan apni ex-wife Sussanne Khan se bhi issi tarah mile the. Iss movie mein kaam karne se pehle Hrithik Roshan apne father Rakesh Roshan ke saath 4 movies mein assistant director ke taur par bhi kaam chuke the, jinmein Koyla, Karan-Arjun, King Uncle aur Khudgarz jaisi movies shaamil hain. Iss movie mein Coca-Cola soft drink ka itna advertisement hua ki company ne agle kuch samay ke liye Hrithik Roshan ko Coca-Cola ka campaign model bana liya tha.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: