HP Omen X 2s Gaming Laptop, Dual Displays Ke Saath India Mein Launch Hua, Pavilion Gaming 15 & Omen 15 Ki Bhi Hui Entry

Aaj India mein HP ne apne 3 laptops aur kuch accessories ko launch kiya hai. Ismein Pavilion Gaming 15, Omen 15 aur Omen X 2S laptop shaamil hain. Omen X 2S inn sabhi mein sabse premium laptop hain. Ismein aapko dual screen di gayi hai, iske alawa yeh laptop poori tarah se gaming ko dhayan mein rakhte huye design kiya gaya hai.

HP Omen X 2S laptop mein heating prevention ke liye liquid metal compound cooling CPU ka use kiya gaya hai. Iss laptop mein 15 inch ki 240Hz ki primary display aur 6 inch ki FHD  secondary display di gayi hai. Second screen ka use, users Youtube dekhne, Whatsapp message karne ke liye, Spotify par music browse karne ke liye kar sakte hain. Yeh sabhi Omen command setting hub ke through kiya jaa sakta hai. Iske alawa iss laptop mein aap multi tasking bhi kar sakte hain. Multi tasking ke liye aapko ismein kuch dedicated hotkeys bhi di gayi hain, iske alawa screen mirroring feature bhi aapko iss laptop milta hai. Inn sabhi features ke saath aap laptop ki main screen par show ho rahe content ko second screen par bhi divert kar sakte hain.

Omen 15 laptop cooling ke liye Omen Tempest technology ke saath aata hai. Ismein heating ko bahar nikalne ke liye 3 sided 12V fans ka use kiya gaya hai. Inn dono hi laptops mein 9th generation Core i9 processor diya gaya hai jise 5.0GHz  par clock kiya jaa sakta hai. Yeh laptops 16GB RAM ke saath aate hain. Behtareen graphics ke liye inn dono hi laptops mein NVIDIA GeForce RTX 2080 GPU diya gaya hai. Inn laptops mein high speed data transfer ke liye Wi-Fi 6 chip in-built milti hai, jo ki apne predecessor ke compare mein 3 times jyada fast data transfer kar sakti hai.

HP Pavilion Gaming 15 laptop apne previous variants ke compare kaafi thin design kiya gaya hai. Iss laptop mein 9th generation Core i5/17 mobile processor diya gaya hai. Issi ke saath high graphic quality ke liye Max-Q design ke aane wala NVIDIA GeForce GTX 1660 Ti GPU bhi aapko ismein milta hai.

HP Omen X 2S laptop ki price Indian market mein  Rs 2,09,990 rakhi gayi hai, Iske alawa HP Omen 15 aapko Rs 1,24,990 mein milega. Inn laptops ko aap hp.com ki official website aur HP ke retail shop se 1st July se purchase kar sakte hain. HP Pavilion Gaming 15 ko aap Rs 70,990 ki price par khareed sakte hain. Yeh laptop sale ke liye kab se available hoga, iss baat ki jaankari company ne abhi nahi di hai. Inn laptops ke alawa HP ne HP Omen Photon Wireless Mouse,HP Omen Outpost Mousepad ko bhi launch kiya hai. Wireless mouse ki price Rs 8,499 aur Mouse pad ki keemat Rs 7,999 rakhi gayi hai. Iske alawa Pavilion gaming series mein Pavilion Gaming Headset 400 aurPavilion Gaming Mouse 300 ko bhi launch kiya gaya hai jahaan headsets aapko Rs 1,999 mein aur Mouse Rs 1,799 mein milega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: