How To Register For Jio Phone 2 And Jio GigaFiber , Specs, Price and Availability

Reliance Jio ne last month hi Jio Phone 2 launch kiya hai jo 15th August se available hoga aur isi smartphone ke saath company ne Jio GigaFiber ki bhi announcement ki thi. Aur ab jab Jio Phone ki pre-bookings mein kewal 2 hi din baaki hain, to aaiye jaante hain ki kaise aap is feature phone aur GigaFiber ke liye register kar sakte hain aur inka price kya hai.

Jio GigaFiber

RIL ki Annual General Meeting (AGM) ke dauraan announce hui FTTH broadband service Jio GigaFiber ke registration 15th August se start hone jaa rahe hain, jiske saath aapko Jio GigaTV set-top-box bhi milega. Ye internet connected set-top-box hoga jo 4K UHD resolution ke saath aayega, yaani ki ab aapko kewal internet connection ke paise dene hain aur aapki TV isi ke saath free mein achhi quality ka content deliver karegi. Saath hi company ye bhi confirm kar chuki hai ki ye service all India mein 1100 cities mein milegi.

Register kaise karein-

Iske liye aapko sabse pehle MyJio app ya phir Jio.com par jana hai aur wahaan aapko Jio GigaFiber ke liye register karna hai. Iske baad company apni installation team ko aapke ghar ya office bhejegi, jo Jio GigaRouter aur Jio TV set-top box ko install karegi aur kaun si city mein ye service sabse pehle di jayegi, ye number of registrations hi decide karenge. Iska matlab hai jis city se sabse jyada log register karenge, usi city mein sabse pehle GigaFiber service di jayegi.

Iski installation free hai, lekin phir bhi installation ke time par aapko 4,500 INR pay karne honge, jo ki service ko discontinue karne par aapko refund kar dijayega.

Plans –

GigaFiber ke plans 500 INR se start hote hain, jismein aapko 300GB 4G data, 30 days ke liye milta hai. Is plan mein 50MBPS ki speed aapko milti hai.

750 INR ke plan mein 50 MBPS ki speed par 450GB 4G data milta hai.

999 INR ke plan mein 100 MBPS ki speed par 600GB data milta hai.

1299 INR ke plan mein 100 MBPS ki speed par 750GB data.

1500 INR ke plan mein 150 MBPS speed ke saath 900GB data.

In sabhi plans ki validity 30 days ki hi hai.

Jio Phone 2

Jio Phone 2 ke bhi pre-bookings bhi 15th august se hi start hain. Ismein 2.4-inch ki QVGA display, QWERTY keyboard, dual core processor, 512MB RAM aur 4GB internal memory di gayi hai. Ye KAI OS par chalta hai aur ismein 2 MP rear, VGA front camera aur 2000mah ki battery moujood hai. Iska introductory price 2,999 INR hai.

Registrations –

Jio Phone 2 ka registration karne ke liye aapko My Jio app ya Jio.com par jaana hoga, jahaan aapko is phone ka banner nazar aayega aur is par click karte hi aapko ek webpage par redirect kar diya jayega jahan iski pre-booking ke liye aapko apni personal details jaise ki name, address aur contact number bharne honge. Payment options mein aapko online payment aur C-O-D donon options milenge.  Halaanki iski delivery kabse shuru hogi, iski official announcement abhi nahin hui hai.

Facebook Comments

Recommended For You

About the Author: Pooja Choudhary

1 Comment

Leave a Reply

Your email address will not be published.

%d bloggers like this: