Hotstar Par Release Huyi Criminal Justice Series, Crime Aur Social Issues Ko Dikhati Hai Iss Series ki Story

Mumbai ke taxi driver ke saath huyi ek ghatna ko dikhati hai Hotstar par release huyi series Criminal Justice. Agar aap kisi ko na kahna nahi jaante hain ya fir help karna aapki haabit mein se ek hai to aapko yeh series ek baar jarur dekhna chaiye. Criminal Justice mein naa sirf aapko behtar artist dekhne ko milte hain balki unke dwara play kiya gaya role character mein jaan dalta nazar aata hai. Iss series ko total 10 episodes mein divide kiya gaya hai.

 

Criminal Justice series ke lead role mein aapko Vikrant Massey, Pankaj Tripathi, Jackie Shroff, Madhurima Roy, Meeta Vashisth dikhai dete hain. Iss series ke saath Jackie Shroff ne digital platform par entry ki hai. Iss series ko British Show aur BBC News TV par broadcast hone wale show ka remake bataya jaa raha hai.

Story ki shuruaat ek taxi driver se hoti hai jo apni cab mein ek lady passenger ko drop karne jaata hai. Drop ke duaraan lady ka phone cab mein hi reh jaata hai. Taxi driver Aditya uss phone ko Baapas karne lady ke pass jaata hai. Baapas aane ki wajah se taxi driver apni party ko miss kar deta hai jise wah apne friends ke saath celebrate karne wala tha. Yeh baat wah lady ko batata hai. Lady taxi driver se apologies karti hai aur use apne ghar mein bethane ke liye kahti hai. Conversation ke dauraan dono ek dusre se attract hote hain jiske baad wah ek dusre ke saath intimate ho jaate hain.

 

Intimation ke baad scene blur hote huye change hota hai. Taxi driver Aditya apne aap kitchen mein paata hai aur wahaan se jaane ke liye lady se milne uske room mein jaata hai. Lady ko jagaane par jab wah nahi jaagti hai to wah use uthane ki koshish karta hai jis duaraan uske haath par blood lag jaata hai. Aditya ko samjh mein aa jaata hai ki lady ka murder hua hai. Yeh sab dekhte hi wah uske ghar se bhaag jaata hai. Wahaan se nikalte waqt use society ka ek person dekh leta hai. Jaldi aur dar ki wajah se Aditya se ek accident ho jaata hai.

 

Yeh accident ka case police station mein darz hota hai. Inquiry ke baad pata chalta hai ki yeh accident ek taxi driver ne kiya hai aur iss taxi driver Aditya ko police pakad leti hai. Same police station mein uss lady ke murder ka case bhi file hota hai. Murder case ke dauraan jis person ne taxi driver ko bhaghte huye dekha tha wah use police station mein pehchan leta hai. Jis ke baad yeh case twist leta hai.

 

Iss case ko lawyer Madhav Mishra (Pankaj Tripathi) handle karte hain. Madhav Mishra ko iss series mein greedy type lawyer dikhaya gaya hai jo sirf paison ke liye case ladta hai. Initially wah iss case ko sirf money source ke form mein dekhta hai lekin baad mein wah iss case ko personally le leta hai. Madhav Mishra ke baad yeh case ek lady lawyer ko hand over kar diya jaata hai jo ki sahar ki sabse badi criminal lawyer hai. Lekin lady lawyer bhi Aditya ko jail jaane se nahi bacha paati hai aur iss csse se side ho jaati hai. Jiske baad Aditya ko jail ho jaati hai.

 

Jail mein survive kar paana Aditya ke kaafi tough task saabit hota hai. Jail mein pehle se moujood gang Aditya ko torture karna shuru kar dete hain. Iss gang ka leader Mustafa (Jackie Shroff ) hota hai. Initially gang ke log Aditya ko paresaan karte hain lekin baad mein wah unke saath comfortable ho jaata hai. Lekin jail ke bahar Madhav Mishra Aditya ko justice dilane ke liye lage rahte hain. Finally Madhav Mishra ke haath ek evidence lagta hai jo ki ek photograph hota hai. Iske baad wah aur bhi evidence ko collect karta hai aur police ke pass jaata hai. Evidence dekhne ke baad police bhi Madhav Mishra ki help karti hai.

 

Inn evidence ki link mein Madhav Mishra ko pata chalta hai ki jis lady ka murder hua tha use ek child trafficking gang ek baare mein pata chal gaya tha jo ki usi office se related tha jahaan wah job katri thi. Iske baad Madhav Mishra ko poori story samjh mein aa jati hai aur yeh case final stage par pahuch jaata hai. Aditya ko iss case mein justice mil paata hai ya nahi iske liye aapko yeh series dekhne padegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: