24th Ko India Mein Launch Hoga Honor Ka Latest Smartphone, Company Ne Twitter Par Announce Kiya Phone Ka Naam

Huawei ka sub-brand Honor India mein jaldi hi apna naya smartphone launch karne jaa raha hai aur is upcoming launch event ke liye, jo ki 24th of July ko hona hai, company media invites bhi sent kar chuki hai. Rumors to ye the ki ye smartphone Honor 9i (2018) hoga, lekin company ne aaj iska naam bhi announce kar diya hai jo ki Honor 9N hai.

Halaanki ye wahi handset hai jise China mein pichle mahine Honor 9i (2018) ke naam se launch kiya gaya tha aur ab India mein 24th July ko ye smartphone Honor 9N ke naam ke saath aayega. Company ne ise lekar jo tweet kiya hai, use aap neeche dekh bhi sakte hain.

Honor 9N ek lower mid-range handset hoga jiski kimat 14,000 to 16,000 INR ke beech ho sakti hai aur ye four attractive color variants mein India mein launch ho sakta hai.

Is handset ke rumores features mein 5.84-inch ki full HD+ 2.5D curved glass display 19:9 ratio ke saath aayegi. Ismein Octa Core Kirin 659 processor aane ki ummid hai aur saath hi 4GB ki RAM aur 64GB ki inbuilt memory aa sakti hai.

Halaanki is price range mein bhi company Hybrid dual SIM slot hi offer kar rahi hai. Iske alawa Honor 9N mein 13 MP ka primary rear camera aur 2 MP ka secondary rear camera LED flash light ke saath aayenge. Jabki iska front facing snapper 16 MP resolution ke saath expect kiya jaa raha hai.

Iske alawa Honor 9N ek Android 8.1 Oreo based handset hoga jiski battery capacity 3000mAh ki hogi, lekin ismein fast charging support milta hai ya nahin, ye jaanne ke liye aapko launch tak ka intezaar karna hoga.

Honor ke is upcoming smartphone mein rear panel par fingerprint sensor bhi diya jayega. Lekin face unlock ka support shayad aapko nahin mil payega.

Honor 9N ka India launch event next Tuesday ko hoga aur usi samay iski detailed specs hum aapke saath zaroor share karenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: