Honor View 20 Ke Pre-orders Amazon Par Aaj Se Start, Price Reveal Hua

Honor View 20, India mein punch-hole selfie ke saath aane waala first smartphone hai, jo 29th January ko announce kiya jayega, lekin iske pre-orders India mein aaj se start ho chuke hain. . Isse pehle ye smartphone Honor V20 ke naam ke saath China mein December 2018 mein launch kiya jaa chuka hai.

Honor View 20, ek Amazon exclusive mid-range smartphone hai, jismein 25 MP ka in-display front camera moujood hai. Saath hi ismein rear panel par aapko 48 MP ka primary camera f/1.8 aperture ke saath aur Time of Flight 3D camera, secondary camera ke taur par diya gaya hai.

Is smartphone mein 6.4 inch ki full HD+ LCD IPS display hai aur saath hi ismein Kirin 980 chipset hai, jo tri-cluster CPU ke saath diya gaya hai. Saath hi ismein aapko three storage options mil jaate hain, jismein 6GB RAM ke saath 128GB storage, 8GB RAM ke saath 128GB ROM aur 8GB RAM ke saath 256GB internal memory variants shaamil hain.

ALSO READ: Honor Play 8A Ka India Launch February Mein Expected

Honor View 20 mein 4000mAh ki battery, fast charging ke saath moujood hai. Saath hi ismein Android 9.0 Pie OS diya gaya hai, jis par Magic UI 2.0 based hai.

Is dual SIM smartphone ke price ki baat karein to iske 6GB+128GB version ki cost €569 (approx. 46,000 INR) hogi aur 8GB+256GB variant ko €649 (approx. 52,500 INR) ke price tag ke saath launch kiya jayega.

Honor View 20 23rd January yaani ki aaj se 18 countries mein available hoga, jabki India mein ye 29th January ko launch kiya jayega aur usi din se ye purchase ke liye bhi available hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: