Honor View 10 India Mein Full View Display Aur AI Technology Ke Saath 29,999 INR Mein Uplabdh

Huawei ke sub brand Honor ne aaj apna latest smartphone India mein launch kar diya hai jiska naam Honor View 10 hai aur iske registrations pichle week se hi Amazon par start ho chuke hain. Ye Amazon exclusive smartphone Black aur Blue colors mein 8th of January se 29,999 INR ki kimat par purchase ke liye available hoga.

India se pehle London mein pichle month launch ho chuke Honor View 10 ki khaasiyat hai ismein aane waali Artificial Intelligence technology, ye aapke smartphone ke use karne ke tarike ko samjhte huye accordingly phone resources ko use karega taaki long time istemaal karne ke baad bhi aapka smartphone slow na ho.

Other specifications ki baat karein to, Honor View 10 mein 5.99 inch ki full HD+ full vision display hai aur saath hi Octa Core Kirin 970 chipset diya gaya hai. Ismein i7 co-processor bhi hai aur 6GB ki RAM bhi moujood hai. Storage ki kami n karte huye company ne 128GB ki internal memory di hai jise aap microSD card ki madad se 256GB tak aur badha sakte hain.

Honor View 10 mein 16 MP ka primary (RGB) camera hai aur saath hi 20 MP ka monochrome secondary camera bhi diya gaya hai. Ye dono rear cameras  f/1.8 aperture, LED flash light and PDAF ke saath aayenge. Ismein 13 MP ka front camera moujood hai jo f/2.0 aperture ke saath aayega.

Is hybrid dual SIM slot based phone mein 3750mAh ki battery hai jo Super charging technology ke sath aayegi. Saath hi fingerprint scanner rear panel par nahin balki home button mein hai.

Honor View 10 Android Oreo par chalta hai jis par company ka apna user interface EMUI 8.0 bhi hai. Connectivity options mein 4G VoLTE, 3G / HSPA+, EDGE / GPRS, Wi-Fi 802.11ac (2.4GHz/5GHz), Bluetooth 4.2 LE, GPS, USB Type C port aur NFC.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: