Honor Play 6.3-inch ki Display Aur 6GB RAM Ke Saath India Mein Launch Hua

Honor 9N ke baad aaj company phir se India mein apna ek naya mid-range smartphone lekar aayi hai jiska naam Honor Play hai. Honor Play Amazon exclusive smartphone hai jo ki aaj sham 4 pm se Amazon ke saath saath Honor ke official stores par bhi available hoga.

Honor Play ka 4GB RAM ke saath 64GB inbuilt memory variant 19,999 INR ke price par available hoga aur 6GB RAM ke saath 64GB storage version ki kimatn 23,999 INR hai.

 

Honor Play mein 6.3-inch ki full HD+ LCD display, 2.5D curved glass layer ke saath di gayi hai. Ismein Octa Core Kirin 970 chipset moujood hai jiske four cores ki clock speed 1.8GHz hai aur other four cores, 2.4 GHz ki clock speed ke saath aayenge. Saath hi ismein aapko naya Turbo GPU milta hai.

Honor Play mein hybrid dual SIM slot diya gaya hai, yaani ki second SIM slot mein aapko SIM ya microSD card kisi ek ko choose kar sakte hain aur ismein 256GB tak ka microSD card aap laga sakte hain.

Is smartphone mein EMUI 8.2 software hai jo Android 8.1 Oreo par based hai. Iske alawa 16+ 2 MP ka dual rear camera setup aapko yahaan diya gaya hai jismein se primary camera, LED flash light aur f/2.2 aperture ke saath aayega, jabki secondary 2 MP shooter f/2.4 aperture ke saath moujood hai. Iska front camera bhi 16 MP ka hai jo f/2.0 aperture ke saath diya gaya hai.

Saath hi Honor Play mein rear panel par fingerprint sensor bhi diya gaya hai aur saath hi ismein fast charging support ke saath 3750mAh ki battery di gayi hai. Ye smartphone dual 4G VoLTE support karta hai aur ismein aapko USB Type-C port milta hai.

Honor Play mein khaas baat ye hai ki ismein aapko AI support ke saath gaming experience mil sakta hai, jismein 3D audio effects, customized games mein AI vibration, AI real time images, audio recognition, etc. Saath hi ismein Histen 3D audio technology hai jo aapko kaafi behtar 3D ultra wide sound quality offer karti hai aur wire earphones ho, ya headphones dono mein aapko 3D stereo effects deti hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: