Honor Play 8A Ka India Launch February Mein Expected: Expected Price Aur Specs Check Karein

Honor, India mein apne mid-range smartphone Honor View 20 ka launch to pehle hi announce kar chuka hai, jo ki 29th January se India mein available hoga. Wahin is company ke ek budget smartphone ke launch ki charcha bhi chal rahi hai. Expect kiya jaa raha hai ki February mein Honor Play 8A India mein aa sakta hai.

Honor Play 8A ko isi month mein pehle China mein launch kiya jaa chuka hai, jahaan iski starting price 799 yuan yaani ki lagbhag 8,500 INR hai. Halaanki is launch ki khabar company ne abhi nahin di hai. Lekin kisi trusted source ke according ye phone couple of weeks mein India mein launch kiya jaa sakta hai.

Maana jaa raha hai ki Honor Play 8A ked ono storage options ki kimat India mein 8,500 INR to 10,500 INR ke beech hi hogi. Agar specs ki baat karein to, Honor Play 8A mein 6.09 inch ki HD+ display, waterdrop notch design ke saath moujood hai. Iske alawa ye first smartphone bhi hai, jo MediaTek Helio P35 chipset ke saath announce hua hai.

Iske alawa ismein triple card slots hain, jinmein se ek microSD card ke liye aur two SIM ke liye diye gaye hain. Lekin camera yahaan aapko single hi milta hai. Ismein 13 MP ka rear camera LED flash light ke saath aur front camera, 8 MP resolution aur f/2.0 aperture ke saath diya gaya hai.

Isi ke saath 3200mAh ki battery hai, jismein fast charging nahin hai. Lekin aapko ismein Android 9.0 Pie software par based EMUI 9.0.1 user interface milta hai.

Jaise ki hum aapko bata hi chuke hain, ye handset lagbhag 10K ki range mein aayega, to India mein ye Redmi 6 Pro, Realme U1, Redmi Note 5 Pro jaise smartphones ko achhi takkar de sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: