Honor Ne India Mein Launch Kiya Honor Pad 5, Finger Print Scanner Aur Face Unlock Ka Milega Support

Honor ne aaj India mein Honor 20 series smartphones ke alawa apne Honor Pad 5 ko bhi launch kiya hai. Iss tablet ko company ne do size variants mein announce kiya hai, jismein aapko 10.1 inch aur 8 inch variants milte hain. Dono hi tablets ko Glacial Blue color mein July se sale ke liye available kiya jaayega.

 

Honor Pad 5 8-inch model aur Honor Pad 5 10.1 inch model dono mein hi aapko do storage option dekhne ko milte hain. Ismein aapko 3GB+32GB aur 4GB+64GB storage dekhne ko milegi. Dono hi tablets mein aapko full HD+ display di gayi hai. Yeh dono tablets microSD card slot ke saath aate hain, jiski help se aap inki storage ko expand kar sakte hain.

 

Honor Pad 5 8 inch model mein Kirin 710 Octa Core processor diya hai wahin Honor Pad 5 10.1 inch model mein Kirin 659 Octa Core processor diya gaya hai. Honor Pad 5 ka 8 inch model Magic UI 2.0 based Android 9 Pie operating system ke saath aata hai iske alawa iske 10.1 inch model mein Android Oreo based EMUI 8.0 operating system milta hai. Inn tablets mein aapko kids mode aur voice calling ka support bhi diya gaya hai. Dono hi variants mein 5100mAh ki battery di gayi hai.

 

Honor Pad 5 ke 8 inch model mein 8MP ka front aur rear camera milta hai, wahin 10.1 inch model mein 8MP rear camera aur 2MP ka front facing camera milta hai. 10.1 inch model mein finger print scanner ka option milta hai wahin 8 inch model mein face unlock ka feature diya gaya hai. Iss tablet ke 10.1 inch model mein Harman Kardon Speakers aur Histen 5.0 speaker aur 8 inch model mein Dolby Atmos speakers diye gaye hain. Connectivity ke liye aapko inn tablets mein 4G LTE, Wi-Fi b/g/n, Bluetooth aur GPS ka support milta hai. Inn tablets ki price ko aap neeche dekh sakte hain.

 

  • Honor Pad 5  8 Inch  (3GB+32GB)  – Rs 15,499
  • Honor Pad 5  8 Inch  (4GB+64GB)  – Rs 17,499
  • Honor Pad 5 10.1 Inch (3GB+32GB)  – Rs 16,999
  • Honor Pad 5 10.1 Inch (4GB+64GB) – Rs 18,999
Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: