Honor Ne Aaj India Mein Launch Kiya Honor 10 Lite Ka 3GB/32GB Variant, Flipkart Par Sale Ke Liye Hoga Available

Honor ne aaj India mein Honor 10 Lite ke lowest variant ko launch kar diya hai. Company ne January mein iss phone ke 4GB aur 6GB variant ko announce kiya tha. Iss base variant mein company ne 3GB RAM ke saath 32GB internal storage di hai. Yeh phone finger print scanner, dew drop notch ke saath aata hai. Company ne iss phone ko ek affordable price mein announce kiya hai.

Honor 10 Lite ke base variant mein bhi aapko sabhi specifications iske baaki variants ki tarah hi milti hain. Ismein 6.21 inch ki FHD+ screen di gayi hai jo ki dew drop notch ke saath aati hai. Phone ki display mein 2.5D curved glass use kiya gaya hai. Iss phone mein company ne khud ka design kiya Kirin 710 chipset use kiya hai jise 12nm mobile platform par design kiya gaya hai. Graphics ke liye aapko ismein ARM Mali-G51 MP4 GPU milta hai. Iss phone mein 3GB RAM aur 32GB ROM ke alawa aapko 4GB RAM ke saath 64GB ROM aur 6GB RAM ke saath 64GB ROM ka option bhi milta hai. Phone mein 3400mAh capacity ki battery di gayi hai.

 

Honor 10 Lite mein 13MP+2MP ka rear vertical camera milta hai. Saath hi front mein iss phone mein aapko 24MP ka AI camera diya gaya hai. Connectivity ke liye aapko iss phone mein dual band Wi-Fi, Bluetooth 4.2 LE, GPS aur dual 4G VOLTE ka support mil jaata hai. Honor 10 Lite hybrid dual sim ko support karta hai.  Yeh phone EMUI 9.0 based Android 9.0 Pie ke saath aata hai.

Aaj company ne iss phone ke 3GB/32GB variant ko Rs 11,999 ki price tag ke saath announce kiya hai. Iske alawa iss phone ka 4GB/64GB variant Rs 13,999 mein aur 6GB/64GB variant Rs 17,999 mein Flipkart par available hain. Iss phone mein aapko Mid Night Black aur Gradient Blue color option milte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: