Honor 9N India Mein 5.84-inch FHD+ Notch Display Aur Dual Rear Cameras Ke Saath Launch Hua

Honor ne aaj India mein ek press event mein apna affordable smartphone launch kiya jo, Honor 9N hai. Jaisa ki expect kiya gaya tha, ye smartphone last month China mein launch huye Honor 9i ka global version hi hai, jise aaj India mein Lavender Purple, Midnight Black, Sapphire Blue aur Robin Egg Blue colors mein laaya gaya hai.

Honor 9N ke two storage versions launch kiye gaye hain jinmein 3GB RAM ke saath 32GB storage option ki kimat 11,999 INR hai aur 4GB RAM ke saath 64GB internal memory variant ki 13,999 INR hai. Ye ek Flipkart exclusive handset hai jiski sale 31st July se shuru hogi.

Honor 9N mein 5.84-inch ki full HD+ 19:9 display di gayi hai aur saath hi ise power dene ke liye Octa Core Kirin 659 processor bhi moujood hai, iske four cores ki clock speed 1.7 GHz hai aur other four cores ki clock speed 2.36 GHz.

Honor 9N mein dual rear cameras moujood hain jinmein primary camera 13 MP ka hai jo LED flash light ke saath aayega aur secondary camera 2 MP resolution ke saath diya gaya hai. Selfie lovers ke liye ismein 16 MP ka frontal snapper bhi moujood hai. Jabki iski battery capacity 3000mAh hai aur ye hybrid dual SIM support ke saath aapko milta hai. Iske second SIM slot mein aap ya to nano SIM ka istemaal kar sakte hain ya phir microSD card ka jo ki 256GB tak ka ho sakta hai.

Honor 9N mein aapko rear panel par fit kiya hua fingerprint scanner bhi milta hai aur ye handset EMUI 8.0 par chalta hai jo ki Android 8.1 Oreo par based hai.

Iske alawa is smartphone ko kuch launch offers ke saath introduce kiya gaya hai, jaise ki-

  • Jio users ke liye 2,200 INR ke cashback vouchers
  • Jio users ke liye 100GB Additional data
  • Myntra shopping app ki taraf se bhi 1,200 INR ke vouchers
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: