Honor 8X VS Realme 2 Pro Detailed Comparison: 15K Mein Kaun Sa Hai Best Smartphone?

Huawei sub-brand, Honor ne isi week India mein apna affordable handset Honor 8X launch kiya. Halaanki 14,999 INR ki starting price mein ye handset aapko achhe features provide karta hai, lekin wahin ye smartphone last month India mein launch huye Realme 2 Pro ka strong competitor bhi ban gaya hai.

Oppo ke sub-brand Realme ne Realme 2 Pro ko 13,990 INR ki starting price mein market mein utaara hai. Dono handsets ke price mein kewal 1,000 INR ka fark hai aur specs bhi similar hai.

Lekin is price range mein agar koi ek smartphone purchase karna hai, to aap Honor 8X choose karenge ya Realme 2 Pro.

Well, ye detailed comparison yahaan aapki help kar sakta hai.

Design and Build Quality

Sabse pehle baat karte hain, design ki. Realme 2 Pro mein rear panel par lamination ki kayi layers hain, jo ki glass feel deti hain. Company ne ise ‘crystal-like dewdrop effect’ naam diya hai. Halaanki ye fingerprints ko jaldi catch karta hai. Front par ismein water-drop notch hai, jismein front camera aur uske par earpiece hai. Iske alawa bezels slim hai, lekin 6.3 inch ki display ke saath phone thoda sa bada lag raha hai.

 

Honor 8X ki baat karein to, metal aur glass design ke saath, ye handset kaafi premium look deta hai. Saath hi iske rear panel par jo gradient glass hai, us par dikhne waala dual tone gradient, iske look ko aur bhi badhaata hai. Iska rear panel par fit hua fingerprint scanner, easily accessible hai.

Iski display 6.5 inch ki hai, yaani ki slightly Realme 2 Pro se badi hai, aur 19.5:9 aspect ratio ke saath milti hai. Halaanki notch yahaan par Realme 2 Pro se thoda bada hai.

But overall design aur build quality dekhein, to Honor 8X ka design jyada behtar aur classy hai.

Display

Honor 8X mein 6.5 inch ki full HD+ display hai, jo ki 19.5:9 aspect ratio ke saath aayegi.  Realme 2 Pro mein 6.3 inch ki full HD+ display hai, jis par Corning Gorilla Glass 3 protection bhi di gayi hai.

Dono smartphones mein display quality achhi hai aur colors bhi vibrant hain. Even, sunlight mein bhi dono phones ki visibility achhi hai.

Hardware and Software

Honor 8X mein Octa Core Kirin 710 12nm processor diya gaya hai, jiski four Cortex A73 cores ki clock speed 2.2 GHz hai aur other Cotrex A53 cores, 1.8 GHz ki clock speed ke saath aate hain.

Well, is CPU ke saath bhi aapko multitasking ke dauraan koi issue nahin hoga. Aap Honor 8X par videos streaming karein, games khelein ya WhatsApp aur Facebook jaisi apps use karein, performance abhi tak achhi hi lag rahi hai.

Realme 2 Pro mein Qualcomm Snapdragon 660 CPU hai, jo ki ek powerful Octa Core chipset hai. Ismein bhi aapko performance ko lekar koi shikayat nahin milegi. Iske alawa Mi A2 aur Vivo V9 Pro jaise mid-range handsets mein bhi yahi processor hai, jo ab Realme 2 Pro mein aapko kaafi achhi price ke saath mil raha hai.

Halaanki dono ka performance achha hai, lekin Honor 8X ka AnTuTu score 1,40,168 points hai. Wahin Realme 2 Pro ka AnTuTu score 1,31,968 points hai. Halaanki khaas fark nahin hai, lekin Honor 8X ko, thode achhe points to mile hain.

Honor 8X aur Realme 2 Pro dono mein hi Android 8.1 Oreo OS hai. Honor 8X mein custom UI EMUI 8.2 hai aur Realme 2 Pro mein Color OS 5.2.

Camera

Realme 2 Pro mein aapko 16+2 MP ke dual rear cameras milte hain, jabki Honor 8X mein 20+2 MP ka dual rear camera setup hai.Realme 2 Pro mein f/1.7 aperture, Sony IMX398 sensor, Dual Pixel focus, EIS jaise features hain jo ki aapko kaafi achhi pictures dete hain. Iske rear cameras ki images mein detailed, good colors aur achhi dynamic range ke saath photos aayin hain. Wahin 2 MP ka cameras, depth focusing ke liye hai aur portrait shots bhi is camera dwara kaafi achhe aate hain. Saath hi aap ismein kayi tarah ke lighting effects choose bhi kar sakte hain.

Haalanki low-light photography average hai.

Wahin ismein 16 MP ka front camera hai, jisse aap portrait aur HDR clicks bhi kar sakte hain. Ismein bhi aapko achhe colors ke saath image milti hai, lekin detailing rear camera jitni nahin hai, lekin phir bhi above average hai.

Honor 8X ka 20 MP main rear camera, f/1.8 aperture, PDAF aur AI support ke saath aata hai. Jabki 2 MP ka secondary sensor, depth focus karne ke liye hai. Ye camera AI support ke saath 500 alag alag scenes aur 22 categories ko detect kar sakta hai. Day light ya raat mein bhi achhi lighting condition mein liye gaye pictures aapko kaafi details, behtar colors aur brightness ke saath milte hain. Ismein AI enabled shots bhi achhe hain aur yahaan bhi scenes ko bhi kaafi fast recognize kar liya jaata hai.

Iska front camera bhi achhi lighting conditions mein kaafi behtar pictures deliver karta hai. Wahin low-light situations mein images ki quality, thodi si kam ho jaati hai.

Halaanki iske dono front aur rear camera, portrait shots lene mein capable hain.

Battery

Honor 8X mein 3750mAh ki battery hai, wahin Realme 2 Pro mein 3500mAh ki battery hai. Dono handsets mein non-removable batteries hain aur fast charging support aapko kisi mein bhi nahin milta hai.

Realme 2 Pro ki battery mixed usage ke baad full day aaram se chalti hai, even thoda sab ach hi jaati hai. Aur ek ghante ki charging mein ye lagbhag 64% tak charge hoti hai, wahin Honor 8X ki battery bhi full day (approx. 11 hours tak )chalti hai.

 

Storage, Price And Availability

Honor 8X

  • 4GB+64GB – 14,999 INR
  • 6GB+64GB -16,999 INR
  • 6GB+128GB – 18,999 INR

Realme 2 Pro

  • 4GB+64GB – 13,990 INR
  • 6GB+64GB – 15,990 INR
  • 6GB+128GB – 17,990 INR

Realme 2 Pro, Flipkart exclusive hai aur already available hai.

Honor 8X Amazon exclusive hai aur 24th October se available hoga.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: