Affordable Smartphone Honor 8C China Mein Hua Launch: Specs, Price And Availability

Huawei ke sub-brand Honor, 7C ke successor phone, Honor 8C ko China mein Thursday ko launch kiya hai. Honor 7C ne affordable smartphone market mein kaafi popularity gain ki thi. Honor 8C ko bhi lagbhag usi price segment mein launch kiya gaya hai. Iss phone ki highlight hai iska face unlock feature, jo ki kaafi fast bataaya jaa raha hai. Honor ka yeh pehla affordable handset hai jis mein aapko face unlock feature diya gaya hai.

Aaiye jaante hai iss phone ke specifications aur pricing details ke baare mein.

 

 

Iss samay jyadatar companies apne phones ko gradient color mein launch kar rahi hai, to wahi Honor ne bhi apne iss phone ko gradient back panel ke saath launch kiya hai. Is phone ke color options mein aapko aurora blue, magic night black, platinum gold, nebula purple color milenge.

Phone ke display ki baat ki jaaye to iss phone mein apko 6.26 inch ki HD+ TFT LCD IPS display milti hai, jaha display ki pixel density 269ppi hai aur ye 19:9 aspect ratio ke saath aati hai. Honor 8C mein aapko EMUI 8.2 based Android 8.1 Oreo diya gaya hai. Phone mein Octa-core Qualcomm Snapdragon 632 SOC processor diya gaya hai aur sath hi Adreno 506 GPU bhi hai.

Optics ki baat ki jaaye to, Honor 8C mein 13MP(f/1.8 aperture) ka primary aur 2MP(f/2.4 aperture) ka secondary rear camera hai, jo vertically fit kiye gaye hain aur auto focus ke sath milta hai. Wahin selfie camera, 8MP(f/2.0 aperture) ka jo fixed focus ke sath diya gaya hai. Front aur rear dono hi cameras me LED flash bhi milta hai. Honor 8C mein 4000mAh ki battery di gayi hai jo 5V/2A ke charger ke saath aayegi.

Honor 8c mein connectivity options mein Dual 4G VoLTE, Wi- Fi 802.11 b/g/n, Bluetooth 4.2 support, GPS, GLONASS, microUSB port aur audio output ke liye 3.5mm headphone jack diya gaya hai. Ye phone dual nano sim support karta hai. Iske alawa iss phone mein ambient light sensor, proximity sensor, accelerometer, finger print sensor diye gaye hai. Yaha aapko finger print sensor rear panel par diya gaya hai.

Honor 8C two variants mein launch kiya hai, 4GB RAM aur 32GB ROM jiski China mein price CNY 1,099 (Rs 11,800) rakhi gayi hai. Wahin iske dusre variant 4GB RAM aur 64GB ROM ki price CNY 1,399 (Rs 15,000) rakhi gayi hai. Phone mein microSD card ke liye slot diya gaya hai jiski help se aap iski storage ko 256GB tak expand kar sakte hain.

Honor 8C China mein 11-15 October tak pre-order ke liye Vmall par available hoga aur same retail site par yah phone 16 October se sale ke liye milna shuru ho jaaega .

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: