Honor 20 series Ki India Launch Date Reveal Hui; Four Rear Cameras & Punch-Hole Selfie Camera Ke Sath Honge Announce

Honor 20 series ke global launch ki date kaafi nazdeek hai. Ye series 21st May ko London mein launch hone jaa rahi hai aur isse ek week pehle hi, company ne India launch date bhi announce kar di hai. Halaanki is series ke ek phone Honor 20 Lite ko, company pehli hi announce kar chuki hai.

Honor ne confirm kiya hai ki Honor 20 series ko India mein June 11 ko launch kiya jayega, lekin isse pehle in smartphones ke kaafi leaks aur rumors hamaare saamne aaye hain, jinse hum specs ka andaaza laga sakte hain.

Famous leakster ke through leak hui Honor 20 Pro ki ek image mein aap dekh sakte hain ki, kis tarah is smartphone ke four rear cameras nazar aa rahe hain. Saath hi yahaan fingerprint scanner nahi hai, yaani ki in-display fingerprint sensor ke saath hi ye phones launch honge.

Iske alawa jo rumors aaye hain, unke according Honor 20 mein 6.26 inch ki full HD+ display aur punch-hole 32MP ka selfie camera aayega. Is smartphone mein main rear camera 48MP hoga jo ki Sony IMX586 sensor ke saath aayega, wahin 16 MP ka secondary camera wide angle lens ke saath aayega, third 2MP ka rear camera aapko 4cm macro shots ke liye diya jayega aur other 2 MP ka camera, yahaan depth sensing ke liye hai.

Isi ke saath Honor 20 Pro ko lekar khabar ye hai, ki ye smartphone 6GB+128GB aur 8GB+256GB variants mein saamne aa sakta hai. Prices to hum aapko iske global launch ke samay hi bata payenge, jabki India price ke liye aapko next month tak ka wait karna hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: