Honor 20 Pro Mein Mil Sakta Hai Quad Camera Setup, Next Month Launch Hoga Yeh Smartphone

Huawei ke sub-brand Honor ke next premium smartphone Honor 20 Pro ki leaks image saamne aayi hai. Company iss series ko next month 21st May ko London ke ek event mein announce kargei. Launch se pehle hi premium smartphone Honor 20 Pro ki iss leak image mein kaafi details saamne aayi hai. Sabse pehle aap dekh sakte hain ki iss phone ka rear panel gradient glass finish mein dikhai de raha hai. Saath hi ismein quad cameras bhi dekhe jaa sakte hain. Generally, vertical camera setup mein LED flash lens ke neeche hi design kiya jaata hai, lekin iss phone mein LED flash lens ke side mein rakha gaya hai.

Image Credit : Weibo

Camera ke side mein AI vision bhi mention kiya gaya hai. Jis se expect kiya jaa sakta hai ki iss phone mein camera behtar AI technology ke saath dekhne ko mil sakta hai. Quad camera setup mein aapko 4 lens dikhai denge. Reports ki maane to iss phone mein 48MP ka Sony IMX600 image sensor diya jaa sakta hai. Iske alawa bataya jaa raha hai ki secondary camera 20MP ka ultra wide lens ke saath, third camera 8MP ka tele photo lens ke saath aur fourth camera TOF (Time Of Flight) lens ke saath diya jaa sakta hai. TOF lens laser auto -focus ke saath diya jaa sakta hai.

 

Rumors ki maane to company Honor 20 Pro mein Kirin 980 chipset use kar sakti hai. Iske saath hi ismein 8GB RAM aur 256GB internal storage dekhne ko mil sakti hai. Phone  ko power dene ke liye company ismein 3650mAh ki battery use kar sakti hai jo 22.5W ki fast charging ko support kar sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: