Honor 20, Honor 20 Pro & Honor 20i India Mein In Prices Par Launch Huye; Yahaan Check Karein Complete Specs

Honor 20 series aaj India mein mid-range to premium segment mein launch ki gayi hai. Inmein se Honor 20 Pro & Honor 20 aapko punch-hole selfie camera ke saath aur Honor 20i waterdrop notch ke saath milta hai. In smartphones ka global launch last month ho chuka hai aur usse bhi pehle Honor 20 series ka ek aur phone Honor 20 Lite bhi launch hua hai, jise India mein announce nahin kiya gaya.

Iske alawa aap soch rahe honge ki Huawei par Android use karne se ban laga hai, lekin ye sabhi phones filhaal Android 9.0 Pie OS ke saath hi aaye hain. Aaiye inke baare mein aapko detail se bataate hain.

Display

Honor 20 Pro & Honor 20 mein 6.26 inch ki full HD+ all view display hai, wahin Honor 20i mein aapko 6.21 inch ki full HD+ 2.5D curved glass display hi milti hai aur yahaan waterdrop notch bhi hai.

Chipset, Storage & Software

Jahaan Honor 20 aur 20 Pro mein Huawei ka flagship chipset Kirin 980 moujood hai, jo ki 720 MHz ARM Mali-G76MP10 GPU ke saath aata hai. Wahin Honor 20i mein Huawei Octa Core Kirin 710 processor diya gaya hai aur ye ARM Mali-G51 MP4 GPU ke saath aayega.

Honor 20 mein 6GB LPDDR4x RAM ke saath 128GB UFS 2.1 storage di gayi hai. Honor 20 Pro mein 8GB LPDDR4x RAM ke saath 256GB internal memory hai. Wahin affordable phone Honor 20i mein aapko 4GB ki RAM aur 128GB ki internal memory milti hai.

Iske alawa Honor 20 Pro & Honor 20 mein Android 9.0 Pie Os ke saath Magic UI 2.1 interface hai, jabki 20i mein aapko EMUI 9.0 milta hai.

Cameras

Honor 20 Pro mein four rear cameras diye gaye hain, jinmein main 48 MP ka camera, Sony IMX586 sensor, f/1.4 aperture, PDAF aur Laser Autofocus jaise features ke saath aayega. Secondary 16 MP camera, 117 degree ultra wide angle lens ke saath yahaan par aapko diya gaya hai, third 8 MP ka telephoto lens, f/2.4 aperture, 3x loss-less optical zoom aur 4 axis OIS ke saath aata hai. Last fourth camera yahaan 2 MP resolution ke saath milta hai, jo ki 4cm macro aur f/2.4 aperture ke saath aayega.

Honor 20 mein four cameras hi hain, lekin kuch change hai. Yahaan bhi 48 MP ka primcary camera, Sony IMX 586 sensor ke saath aayega, lekin aperture f/1.8 hai. Secondary 16 MP 117 degree ultra wide angle lens hai, third camera yahaan 2 MP ka hai, jo ki depth sensing ke liye hai aur fourth 2 MP camera 4cm macro aur f/2.4 aperture ke saath moujood hai.

Honor 20i mein humein triple rear sensors milte hain. Yahaan 24 MP ka primary camera LED flash aur f/1.8 aperture ke saath aata hai, secondary 8 MP ka ultra wide angle lens hai aur third 2 MP ka rear sensor yahaan aapko depth focusing ke liye milta hai.

Battery & Fingerprint scanners

Honor 20 Pro mein 4000mAh ki battery, 22.5W Honor SuperCharge fast charging support ke saath milti hai. Honor 20 mein 3750mah ki battery fitted hai, jo ki same fast charging support ke saath aayegi. In dono smartphones mein company ne side-mounted fingerprint scanners diye hain.

Wahin Honor 20i mein 3400mAh ki battery hai, lekin fast charging nahin diya gaya hai. Is handset mein fingerprint scanner ko rear panel par hi fit kiya gaya hai.

Price Details & Availability

Honor 20i gradient red, blue aur midnight black colors mein launch hua hai aur iski price 14,999 INR hai. Ye Flipkart exclusive hai, jise aap 18th June se purchase kar sakte hain.

Honor 20 ko Sapphire Blue aur Midnight Black colors mein 32,999 INR ke price par kharida jaa sakta hai. Jabki same colors mein Honor 20 Pro ka price 39,999 INR hai. Halaanki company ne inki availability ko lekar kaha hai ki ye jaldi hi sale ke liye aayenge, lekin dates confirm nahin ki gayi hain.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: